又係tea time既時候,經過綠屋,正在改建成動漫基地,很好的活化計劃,既保護文化遺產又支持創作空間,而吸引我既,就係一家舊式茶餐廳的分店。
其實總店就係正隔離,好近,如其要說係分店,不如話係分開兩邊"單位"更貼切,因為見到d員工要兩頭騰呀。
店內面積不大,坐位不多,但因樓底高,唔會有迫既感覺,設計亦很簡單,只用了啡磚牆、木枱椅、吊燈,已打造了古懷舊感。
雖然係環境靚左既分店,但價錢冇變,仍然同價,仍然係冇set,不過唔緊要,因為本身食物都算平。
沙嗲牛肉麵,$16,最鍾意食沙嗲牛肉麵,必食啦,見個湯底咁清,沙嗲醬少,就知沙嗲味唔會濃得去邊,但味道又唔會太淡,牛肉份量適中,正常水準啦。
占央包,叫錯左,應該要多士先岩,要包變得好普通,個餡都幾多,幾好味呀。
環境都幾舒服,食物唔錯,d人又唔會吹你走,下次可以再戰。
灣仔茂羅街1-11號動漫基地地下A舖
順便影下隔離間總店,雖然比較簡陋,卻有另一番味道,幫襯既似乎都係老街坊,明明店入面有位坐,大家都寧願拎住杯野坐出面傾計吹水,大家好熟既人情味感覺。
我都好想可以搵到一間茶餐廳係我叫照舊佢就知我食咩呀XDD
應該就快落成,tea time又可以來hea下了。
感謝 味之素 提供以上資料
個人日誌: http://moritatintin.blogspot.hk/
