同DON兩公婆係荃灣食飯,想食西餐,推介去心意食,夜晚時段扒餐平均$70~$100內,有埋餐湯、蒜蓉包、飲品及甜品,幾好抵食呀。
環境唔算好大不過坐得幾舒服呀。
蒜蓉包,好香脆。
酥皮忌廉湯,餐湯來既,加$10可轉酥皮,酥皮好脆香牛油味,同忌廉湯絕配呀。
心意什扒,$88,賣相好吸引,圓型鐵板,有塊炸麵條作裝飾,幾有心思呀,份量都好多,有豬扒、雞扒、牛扒、珍寶腸,好豐富,要左黑椒汁,扒類味道OK,食唔晒呀。
是日甜品係芝士蛋糕,小小既一件,都好唔會滯呀。
凍檸茶。
復活節果幾日去幫DON家睇住3隻貓仔,我當然好樂意啦~有得同貓玩,好似渡假一樣~當然都如常有出街玩,夜晚就同3隻小貓玩,陪我打機呀。
難得3隻小貓一齊陪我打BLOG,忍唔住要影相呀。
3隻一齊係梳化。
煲仔肥左唔少,同真係唔願郁,好常爬落地伸懶腰,好得意,見到都覺得好嘆呀。
小黑,好少可浦頭,因為怕生保人成日匿埋梳化底,不過我幾日都係到,佢都慣左了,照出來周圍行。
小白,好細既一隻,又名喵王,成日喵叫好得意呀~同好活懼,成日同小白玩呀。
兩隻好痴纏呀,不過兩隻都係男。
佢地成日看牆,捉影子。
啤人既小白既表情好得意。
佢都有食神之名,吼住盒馬卡龍,果然識貨呀,不停爪盒野,粉碎左盒馬卡龍。
為食既小白,見到野食即撲埋來,好得意。最得意係打機時,小白走過來我腳邊訓,既小手仲要爬下爬下好似抱住隻腳咁訓,真係太可愛呀,3日好快就過左,下次來食飯又一齊玩呀。
感謝 味之素 提供以上資料
個人日誌: http://moritatintin.blogspot.hk/
心意餐廳 Lesprit
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)