係灣仔,成日去食早餐好金,同趕時間之下都係食包最好,多數幫襯連所,不過連所店既麵包好金,平均$6以上,想慳就要搵舊式麵包店,聽人講灣仔既小街市有檔麵包好平,即去睇下咩環境,早上已經好多街坊幫襯,真係好平,平均麵包$2-$5不等,亦有特色麵包呀。
毛毛蟲菠蘿油,$6,好抵食,小小的三個菠蘿油連埋一齊,好似毛毛虫,每個都有片牛油好有份量,食落個皮唔算好鬆脆,不過個包軟身幾牛油味,小小食一個又唔會好漏,可分3次食又得,同人share食又得,幾好既設計呀。
綠茶紅豆包,$4,唔算好濃綠茶味,紅豆餡幾多呀。
腸仔包,$3.5,比平時既腸仔包細少少,不過都幾抵食,因為平時都要$6~7一個呀。
菠蘿包,$2/雞尾包,$2.雞包尾好多餡,菠蘿包普通。
提子鬆餅,$2,本身鐘意食,送奶茶好味呀。
好抵食又幾好味,而加舊式麵包店真係賣少見少,多支持,大家又可平食,有著數呀。
灣仔石水渠街1號其發大廈地下8號舖
感謝 味之素 提供以上資料
個人日誌: http://moritatintin.blogspot.hk/
