4月3日星期五
今日係復活節假期嘅頭一日 , 雖然天蔭蔭有一兩陣雨 , 但係都無損咕碌家嘅放假心情 , 我哋要去旅行喇 , 仲玩得好開心添~!!
第一站 : 馬爾代夫
响咁靚嘅地方曬太陽 , 真係一大樂事~!!
當然唔少得同媽媽合照呢~!!
第二站 : 美國
享受一吓自駕遊嘅樂趣 , 我呢個 pose 係咪好型仔呢 ?
第三站 : 新加坡
嚟呢到嘅目的................係要探吓 blog 友靚姐姐 , 比個 surprise 佢 , 祝佢生日快樂~!!!!!!
第四站 : 日本雷門
日本紙咁低 , 媽媽話點都要去 shopping 吓~!!
第五站 : 印度
想見吓印度西施呢 , 卡卡
第六站 : 台灣
嚟呢度放天燈 , 許個願 , 希望唔好再有咁多天災人禍 , 仲撞到以前 blog 友 Mui Mui
Mui Mui 今年十二歲喇 , 要 keep 住身體健康呢~!!
第七站 : 澳門
嚟呢度又係要探 blog 友毛之家 , 順便買吓手信
第八站 : 長城
我要做個真的漢子 , 所以要行萬里長城
哈哈.................其實以上嘅相片全部都係 3D 佈景 , 我同媽媽當咗真係一齊去旅行 , 呢度除咗影相 , 仲有3000 尺障礙賽 , 等我大顯身手比大家睇~!!
呢度仲有波波池玩
跳圈圈無難度
仲有擂台戰 , 等我都參加先
每個鐘頭一個 game , 我要企响個圈入面 , 職員姐姐會用玩具引我走出個圈 , 限時一分鐘
對我嚟講.................當然易過借火呢 , 請問有咩嘢獎品架 , 媽媽快啲抽啦 , 零食零食零食 , 結果抽中一盒狗濕糧~!!
玩完 game 我哋行咗嚟呢邊 shopping , 不過唔啱心水
開開心心玩咗兩個幾鐘頭 , 下年一定再嚟玩過 , 今日成功做咗 Pet 模 , 超開心呢~!!
今日我玩得好開心 , 又識到朋友仔 , 又有得跑草地 , 又有 game 玩 , 仲有相影 , 真係好難忘呢~!!
============================================
感謝 圓咕碌 提供以上資料
圓咕碌的網誌: http://yuenkolok.blogspot.hk/
============================================