1月1日星期四
今日係 2015 年第一日 , 當然要約埋一班朋友仔出海慶祝一番 , 晨咁早六點幾起床 , 睇咗第一個日出 , 跟住驅車向西貢出發 , 食完早餐去新碼頭集合 , 環島遊正式開始~!!
hehee...............最開心就係可以同我個女神一齊去玩
仲有我一生中無人可替代嘅媽媽
响船上同豆豆媽合照
第一站就係橋咀島
介紹吓我啲朋友仔先..................
卡卡 , 迪迪 , 豆豆 , QQ 同埋我一齊合照
影完相行吓沙灘先
當然唔少得同媽媽合照
呢個沙灘可以比狗狗游水架 , 啲水仲好清澈~!!
呢度就係 " 連島沙堤 " 潮退時先可以見到
趁潮退................影完相同爸媽過去行吓
同媽媽吹吓海風真係好寫意
謝謝豆爸幫我哋影嘅全家福
嚟地質公園 , 當然要睇吓波蘿包岩石
咁特別嘅岩石 , 一定要影張相留念~!!
珍惜同媽媽相處嘅時光
由連島沙堤行到另一邊 , 就係 " 橋頭 "
決定上橋頭小島探索一下 , 順便行吓山
一望無際嘅優美景色 , 盡在眼前 , 真係大開眼介
" 多多 " 都話呢度正
下一站 : 糧船灣 + 午餐
一上岸就見到好多生曬魚仔响地下
食完飯叫媽媽買返啲魚仔做手信
食飽飽..................行吓天后宮 , 保佑咕碌家平安快樂 , 身體健康~!!
返上船又影吓相 , 豆豆同佢個朋友合照
笑得好甜嘅腸腸
終於等到同女神合照
最後一站 : 鹽田梓 , 又名鹽田仔
同新識嘅朋友仔合照
跟住參觀鹽田
海水曬成鹽粒
就變成白雪雪嘅鹽喇~!!!!!!!
媽媽做慈善 , 買咗一樽幫助呢個機構
難得咁近距離睇鹽田 , 同媽媽影張相留念
跟住嚟到防波石堤影相
呢度環境真係好正 , 大家都忙著拍照留念
見到豆豆小姐嘅笑容 , 就知有幾好玩
連 QQ 都話玩得好開心
點都要同豆豆坐低欣賞吓周圍嘅景色
跟住比爸爸同我影返張沙龍相
最後嚟張大合照就回程 lu ~!!
今日玩得好開心 , 不過真係好攰 , 上到車我就即刻揾周公傾計 , 新嘅一年祝大家每日都過得有意義同開心呢~!!
============================================
感謝 圓咕碌 提供以上資料
圓咕碌的網誌: http://yuenkolok.blogspot.hk/
============================================