2月1日星期六
每年過新年媽媽都會响花墟買賀年花 , 今年都唔例外 , 加上今年佢行咗二個花市 , 所以今年屋企花香味特別濃郁呢~!!
水仙係全屋最幽香嘅花 , 水仙嘅仙................代表神仙,數株水仙則寓意"群仙"之意,所以水仙花代表"吉祥"之花 , 過年一定唔少得呢~!!
今年嘅水仙剛好趕在年廿八開花~!!
媽媽加上彩色絲帶同蝴蝶結 , 扮完靚靚嘅水仙花份外清麗脫俗~!!
賀年花又點少得 " 蝴蝶蘭 " , " 蝴蝶蘭 " 有著福氣疊疊來嘅寓意,屬充滿喜氣嘅花語~!!
呢棵紫色嘅 " 蝴蝶蘭 " 係媽媽年廿八行花市 , 見到靚忍唔住買咗返屋企~!!
仲有每年一定會買嘅 " 香水百合 " , " 香水百合 " 的花語是" 偉大而純潔的愛 " , 亦代表 " 吉祥 " 之意~!!
今年响花墟好幸運買到兩支外型一樣嘅迷你" 蝴蝶蘭 " , 又平又靚 , 媽媽親自為它們換盤 , 添裝飾 , 慳番唔少買花錢 ( 因為每年媽媽貪方便都會成盤買返屋企擺 )~!!
Macro 下的 " 蝴蝶蘭 " 份外美艷~!!
好喇.................賀年花已經介紹完 , 係時候介紹一吓媽媽至愛嘅肉肉植物~!!
名稱 : " 若綠 " 市面上俗稱 " 葡萄掌 "
科屬 : 景天科 , 外型似玉米粒 , 非常得意~!!
名稱 : " 熊童子 " 科屬 : 景天科 , 外型像初生的绒毛小熊腳掌 , 非常可愛~!!
仲有呢盤..............最高嗰株名稱 : " 金手指 " 仙人掌科 , 獨一無二嘅外型 , 非常特別呢~!!
名稱 : " 帝玉 " 科屬 : 番杏科 , 原產南非 , 會開花 , 外型非常討好~!!
介紹完肉肉植物 , 唔知大家又有無興趣種吓呢 ? 咁可愛嘅植物為家居增添不少生氣 , 人都會開心啲 , 响度祝大家花開富貴 , 好運年年 , 恭喜恭喜~!!
============================================
感謝 圓咕碌 提供以上資料
圓咕碌的網誌: http://yuenkolok.blogspot.hk/
============================================