好甜的你，必到旺角黑布街吃甜品｜Joyful Dessert House

在旺角行到累，就周圍睇下有咩小食甜品，在麥花臣果頭周圍逛，就發現了一間叫Joyful Dessert House的店鋪。空間頗大，而家甜品相片很美觀，於是就走進去試試看。





朱古力香蕉拿破倫 $58 

賣相像畫般有藝術感，而且沾少少被拉開的抺茶醬，就已經令甜品味道提升，真係睇得又食得。

份量很大份，一個人是絕對食唔哂既。



由於是剛剛整好既，所以拿破倫上桌時都是暖暖的，更嗅到陣陣牛油香味。

打横切就不會酥皮横飛，而且可以每口都吃盡忌廉和酥皮。酥皮又暖又脆，一點都不膩，而且非常鬆化。拿破倫中間的忌廉不膩又不太甜，甜度剛剛好，其實我不太好忌廉，但這個又不膩又滑，值得破界。


同餐既朱古力雪糕，非常柔滑又濃郁，雪糕很Rich 很足料，絕不是似普通軟雪糕般淡口或者稀身。
而朱古力雪糕不會太甜，濃郁度屬於中，可以更濃味。幸好，不會太膩或太甜，值得試試。


淋在上面既朱古力漿微稠又暖笠笠，帶甜又帶苦香，不會太甜膩，估唔到醬料都那麼高質素。而頂部更有香蕉片，沒有苦澀味，熟度剛剛好，正。跟朱古力醬是非常夾，健康又好味。








益力多沙冰

真係超冰，每粒冰都打得很幼細，跟益力多完全混和。加上又夠凍，夏更消暑必飲沙冰。

不過份量唔算大，一陣子就已經喝完了，希望可以更大杯啦～




朱古力心太軟伴雪糕

我男友是識整朱古力心太軟，所以他對於心太軟都有一定要求，但今次見佢全程掛住吃它又讚口不絕，相信他對這個心太軟是非常滿意的。

暖笠的朱古力蛋糕，當切開後，朱古力漿就慢慢流出來，暖得黎又微甜，不會太膩，配上朱古力蛋糕，好像吃緊Brownies一樣。

雲呢拿雪糕，有足夠冰感，加上雪糕很滑又不會太甜，很好吃。它跟蛋糕一暖一熱，口感很特別呢～

============================================

感謝 SzesiBlog 提供以上資料

SzesiBlog的網誌: http://szesiblog.blogspot.hk/

============================================