朋友透過電視飲食節目，
看到這家餐廳的串燒美食的報導，
於是想我陪她去試下。

其實我曾到此食生日飯，
對這家餐廳的燒烤美食很有信心。
當然馬上答應朋友啦！
點知朋友唔識路，
一於做埋導遊，
帶埋朋友在MTR經天穚來到餐廳。
做朋友做到咁，夠唔話得啦！

娃娃菜HKD29
没有孜然粉,
但有類似七味粉的調味料少少辣，
燒後, 娃娃菜仍爽脆。

扇貝(好厚的帶子）
帶子雖然已介花，但可以估計原本的厚度。
約2個手指的厚度.
如此厚身的帶子，是很難燒得熟透。
介花就可使其平均受熱，不會過老。
帶子就更鮮甜爽口
蒜蓉剛好提升其鮮味。

貴妃蚌
真係好大隻.
形狀少少似某種日本貝類刺身
(紅色果種!)
入口爽脆，
配上蒜蓉+油+鹽一起燒, 真是一絕。

蒜蓉真是百搭，
好適合用於貝殼類的燒烤。

燒雞
掛住食，無影到燒雞全相。
燒到剛剛好，皮脆肉嫩，
就連雞胸都咁滑，
所以只記得影雞胸囉！
其他部位的雞肉，就可想而知了！

香草燒羊架
表面灑有一條條的迷迭香
其實內裡還有百里香等調味香料。
不過在燒的過程中，顏色變深，所以不顯眼。
入口就會嚐到。
貪方便, 用手取食, 好似食雞脾!
各調味料香味配上淡淡的羊羶味，
仲有一點點的羊脂/羊油，
我好開心呀。
如果再羶d就好了。

今天入荃灣回味一番，
總算值得ge。

============================================

感謝 問米婆 提供以上資料

問米婆 的網誌: http://www.openrice.com/zh/gourmet/reviews.htm?userid=50320141&city=hongkong

============================================