22-8-2015 (第一日)
今次又係同班老友記，跟地區舉辦嘅休閒吃喝兩天團，喺番西河上車，唔駛自己一早過深圳，他他條條好舒服。
由深圳灣過海關，一路都好暢順冇塞車。
第一站就同我地去食碗薑撞奶。
跟住就去食中午飯。
食飽飽去參觀當地南海博物館。
齊齊影張大合照。
自由活動，大人梗係同Ｄ老友去行超市喇。
又係食晚飯嘅時候喇。
食飽飽就番酒店，房間唔錯。
驚我地唔夠飽，仲有宵夜送埋上房比我地食，咁我就梗係煲多杯奶茶嘆吓，睇陣電視就覺覺豬喇！
23-8-2015 (第二日)
七點半起床，梳洗好，食過早餐就出發去佛山石灣。
先去試食件老婆餅。
跟住帶我地行過去一個好有趣嘅公園，個名叫「馬桶」公園，都唔係吖，呢Ｄ係水缸之麻。
導遊話再行過Ｄ睇你就知架喇～
嘩！真係有好多馬桶喎～
由呢度行過去湖邊，嘩！仲多，不過係洗手盆啫。
遊完公園上番車又去食中午飯。
呢間餐廳叫鯉魚門，唔通今餐食海鮮？
食飽飽上番車就去下一個景點。
黎到一個果園，有火龍果，菠蘿，木瓜，番石榴等等任食，有興趣可以摘Ｄ生果買走，價錢都好便宜。
食完生果就去行街街。
上番車去東莞。
喺東莞食晚飯。
食完仲每人有一斤瓜菜，同半隻燒鴨攞番屋企添。
過埋海關，架旅遊巴直駛到我屋企樓下落車，攞咗行理同Ｄ老友講聲拜拜，番到屋企都係九點幾，咁就結束呢次嘅旅程喇。
感謝 白果魚神 提供以上資料
白果魚神的網誌: http://a991952.blogspot.hk/
