攻略日期：2015-10-14
香港貿易發展局舉辦的秋季電子產品展, (原來有咁多季??我今日先知), 雲集全球27個國家及地區, 超過4,100家參展商參與. (我唔理, 我只係嚟睇好玩, 新奇嘅嘢囉)
為興趣而研發產品, 實用性應該最「惦」, 最初因為想自己游水有進步, 所以CY就發明了一個好似兩個一元大細的sensor出來, 改名叫做「Seal」
「Seal」由CY, 及幾位有十多年參與三項鐵人賽的設計師研發而成, 「游水講求技術, 通常都要有教練指導, 不過唔係人人請到教練, 所以我哋就研發咗E件產品, 好似一個隨身教練咁」(咁真係慳唔少喎!)
(個儀器有咩用?)CY:「游水時戴係左, 右手，sensor可以感應到手嘅力度, 入水角度, 撥水位置, 之後就可以用App分析。唔單止游水, 獨木舟, 龍舟都得. 水上活動就好多人鍾意, 但畀游水用sensor唔多, 計游咗幾多個塘嘅就有」
Platysens
Egmont:「我想大家多做運動, 活動多點, 咁就會健康啲, 所以我就設計咗E一系列手錶」
外表連一個按鍵也沒有的手錶, 實際可以計算出你跑, 步行, 休息, 睡覺的數據.
Egmont:「市面無儀器可以分辨你行緊定走緊, 人每日要做30分鐘運動, 所以E隻手錶就可以畀你SET個GOAL, 最好就係8000步, 跑20分鐘...咁先會健康」(死...一個月都跑唔到20分鐘)
Freebee
從澳洲回來的Vincent:「因為在澳洲的父母投訴, 我經常唔搵佢哋, 所以我就每人送咗部 wi-fi nixplay畀佢哋」(電子相架有咗十年啦喎??)
原來這台相架內裡有8gb容量, 送5gb雲端, 任何地方拍照後, 只要經個指定的app, 就可以送到去指定的(世界各地)相架, 相架上方有個sensor, 一感應到有人經過, 就會下載及顯示相片.
新一代新科技可能要走「無鍵」設計, 這個相架一樣連開關鍵也沒有. US89-US189的相架, SIZE由7吋至10吋, Vincent:「7吋係最新推出, 2個禮拜已經賣咗一千部」
(無得插SD對老套仁嚟講...梗係差D, 我用咗4代三星Note, 今年因為無得插卡而轉會了)
nixplay
只有1.7kg的航拍, 可以拍4K影像, 工作人員:「佢可以抵受5級風力...」(5級係米即=3號風球? 他點頭...嘩!咁真係幾勁喎)
(不過個Remote好似咁複雜嘅?)工作人員:「唔會呀!好簡單, 一學就會」(不過, 原來航拍好鬼嘈, 直情似部直升機仔一樣大聲, 唔怪得知航拍啲片都係無聲)
不過我又不攀山, 又不涉水, 航拍可扮玩命懸一線~The Walk, 好似又幾好玩喎. (如果可以借玩兩星期就好....)
Yuneec
全場最想買, 一定是這台風火輪扭扭車, 大陸製, 港幣1500. (暑假時有同事係電腦研究想買, 當時要2千幾), 好抵呀!! ~心郁郁
負責人魏先生:「扭扭車最高速是15公里, 我這款單輪就可以飆至18公里, 不過扭扭車你學3分鐘實識, 單輪應該要學3日, 因為輪細, 又得一個輪, 好難平衡」
一玩就上癮, 價錢又便宜, 好想即刻買一部... 雖然初初學似BB學行, 又似被人點穴.
扭扭車還可以接Wi-Fi, 一邊踩一邊播歌...嘩!好Old School...我即時想起當年時興托住部卡式機, 尖東播Monica, 愛情陷阱...一樣Feel.
正當我猶豫可唔可以講價之際, 有朋友話:「香港地, 馬路玩又犯法, 行人路玩一樣「NO」, 公園連單車, 滑板都禁止, 真係只可以係屋企玩咩」
唉! 銀包還是放回褲袋, 好想買...不過, 等我移民先再買啦...(魏老闆留一部畀我...十年後有機會移民先嚟攞...得唔得?)
Shenzhen Rulind
