食左紅辣椒d辣野之後,又去食返d甜品滋潤下既時候,聽講甜品工房既紫葡之戀幾正,於是就來試下了~!
入面個環境都幾....簡陋...不過又係勝左有電視睇(有冇咁想睇電視呀.......)
個鮮果拉麵好似幾吸引呀~!
雖然已經有心水選擇,不過都不忘睇下仲有冇其他好野食,最後都係揀左兩款主打既甜品~!
紫葡之戀~$28,招牌貨之一,亦係最想試既甜品,好少有葡萄味既甜品,紫色為主既賣相,有葡萄汁刨冰,葡萄,香芋雪米糍,小丸子and葡萄味既..海藻珠(?!),好多料,刨冰似巨峰提子味,都幾香,亦好冰涼,加上有小丸子,海藻珠,食落有d咬口,整體充滿葡萄既香味,都唔錯~!
雜果拉麵~$28,好似幾特別之下試了~!
拉麵有少少芒果味,口感有點似涼粉,少少爽口,不過偏甜,雜果份量都多,有西瓜,提子,火龍果等,再配上椰汁同涼粉,而一片片既芒果真係超酸><",唔洗食...賣相幾特別不過味道好普通~!
如果鍾意提子味~真係要試下紫葡之戀,唔錯呀~!
大埔翠樂街11號美豐花園地下1號舖(已結業)
感謝 味之素 提供以上資料
個人日誌: http://moritatintin.blogspot.hk/
