同yan去tea日,yan推介喱到既鵝肝唔錯,價錢又ok,於是來試下了,係二樓來的,上去到,已被門面所吸引,一種優雅寫意既感覺~!
經過一條走廊,入到餐廳裡面,幅畫好得意呀~!
入到去,好靚呀,好華麗既設計,可能岩岩係tea time,so冇乜人食,更加free了~!
去到時2點到,so除左tea set之外,仲可以揀lunch set,本身有點想lunch set呀,不過見lunch set d食物好似唔太吸引又貴少少,tea set平均都係$50內(意粉/烏冬+餐飲)都幾低,so都係 揀tea set好了~!
意大利咖啡~!
味道偏淡的~!
香煎法國鵝肝伴蜜糖青蘋果及法式薄脆多士,原價$68,特價$54.4,本身就係為左喱個而來,而加仲要有得平真係太好了~個賣相唔錯,好吸引既鵝肝,食落外脆內嫩,入口有溶化之感,油脂又豐富好肥美,好好味呀~!蜜糖青蘋果食落甜甜地,少少爽口,唔錯,脆多士冇乜味道,不過脆口,配鵝肝一齊食口感不錯~!
欖油香蒜挪威煙三文魚,粟米,野菌及鮮茄汁燴扁意粉,$45,個賣相一般,味道亦唔係好突出,茄汁味道普通,煙三文魚係熟的,份量偏少,整體來講普通水準~!
欖油香蒜煙鴨胸,法蘭克福腸,洋蔥及野菌炒天使幼麵,$43,yan點的,賣相都唔錯,試個少少,食落清清地,不過天使麵唔錯,我比較喜歡喱個,奈何鴨胸真的太少份量了.....!
心太軟,$33,賣相看起來簡單,同平時食開既心太軟外形有點不同,不過喱個真係要必食,比起鵝肝,心太軟既味道更為有驚喜,之後先發現原來間餐廳最出名既係心太軟,真係唔怪之得啦~!
食心太軟最令人滿足的是切開個cake之後,有澎湃既熱朱古力醬流出來,喱間佢做到之餘,入面既朱古力醬仲好多好好味,濃郁既黑朱古力味,又唔會甜同太苦,質感又唔會太杰同太稀,真係恰到好處呀,好味,至於個cake,外層脆內層軟,好食呀~!
推介心太軟同鵝肝,必食呀,至於意粉就質素一般冇咩驚喜,同幾欣賞個環境,設計高級華優雅之餘又唔會有壓迫感,感覺好寫意坐得幾舒服,服務態度唔錯,high tea之選呀~!
|
|
灣仔皇后大道東222號GardenEast 2樓全層
|
感謝 味之素 提供以上資料
個人日誌: http://moritatintin.blogspot.hk/
