同yan約左來喱到食lunch,yan推介,聽講喱到d野食唔錯,同set lunch都幾低,so來一試了,因為lunch時間係11:00am至3:00pm的,dinner係6:00pm-11:00pm,星期日唔知有冇set lunch個平價之下,so我地揀左星期六去食~!
set lunch(湯或頭盤+主菜+飲品)$60,加$25可以有個甜品,用匯豐or恆生簽卡仲可以有九折(即係免加一)~!
個餐廳分兩層,下層full了的關係,so只好上上層了~!
上層既環境比較細,不過感覺都寫意~!
佢本身上層都係full的,以上幾張都係d人走晒先影..我地差唔多食到最後先走~!
感覺上卡位舒服好多呀~!
叫左2個set lunch,本身想要豬助骨個set,不過售罄了...只好要白蜆意大利飯呀~!
黑醋橄欖油~!
麵包本身冇乜味,不過口感煙韌,配上黑醋同橄欖油食,味道香略帶點酸既層次感個人幾鍾意,加上麵包淡味更加突出橄欖油既香,唔錯,不過黑醋係有少少辣口.....!
榛子忌廉咖啡,細細杯,個賣相幾靚,咖啡味甘醇,雖然係有忌廉,不過味道都只係少少甜,唔錯呀~!
辣肉腸蕃茄忌廉湯,yan叫的,味道辣辣地,蕃茄味濃,不過酸左少少~!
雜菜沙律配芒果,蘋果,本身唔係咁鍾意食菜的,不過喱次又想試下,食落幾清新,味道酸酸幾開胃,加上有芒果,蘋果配襯之下食落唔會只得菜好寡,都唔錯~!
羅文菜,白蜆意大利飯配忌廉汁,喱個真係要推介,好好味呀,意大利飯賣相大粒半透明,感覺似半熟,口感軟身略帶點煙韌,有咬口,而飯粒吸收左濃郁既忌廉汁,食落好creamy,味道香口,好味呀,蜆份量適中,雖然唔算肥同大粒,不過味道都唔錯~!
焗軟心朱古力,心太軟,賣相幾吸引~!
喱個心太軟有少少唔同,中間開左個窿既...如果冇開窿好似會正點,不過喱個係佢既特色來~!
拆開個cake,朱古力醬唔算太多,亦唔太算濃既朱古力味,同好勁橙味呀...係特別,不過個人唔太喜歡~!
營業時間比較短(其實好多小型意大利餐廳都係咁),不過可能因為咁先keep到個水準,環境唔算係好靚,不過感覺都幾舒服,食物方面幾好味,係個甜品差左少少,下次要試下其他先,因為我地係簽卡,so免左加一,平均每人消費即係$85,喱個價有個set lunch加甜品仲要係好食,幾抵呀~!
感謝 味之素 提供以上資料
個人日誌: http://moritatintin.blogspot.hk/
Lanciano Ristorante
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)