每當想食厚燒玉子蛋卷，一遊永遠都係我心目中首選，就算食過幾多次都好，仍然係非常回味。今日午餐心血來潮再想到一遊，但去嘅並唔係尖沙咀常去果間，而地點係灣仔合和中心，通常分店總會比本店遜色，但幸好今次無令我對連鎖式食肆失望，一遊仍是我喜歡嘅日本餐廳之一。
![]( "251210-01")
|
| 比尖沙咀店更寬敞，坐得更舒服 |
灣仔店比尖沙咀店更寬敞，坐得更舒服。不過侍應比起尖沙咀果班似乎較為生手，細節部份未做得完善，雖然服務水準未致令人反感，但可以有相當大的改善空間...
![]( "251210-03")
|
| 壽司不能苛求太多，但整體滿意 |
![]( "251210-04")
|
| 烏冬份量唔多，味道一般 |
午餐的選擇好多，價錢由幾十至二百幾不等，而雜錦壽司定食盛惠$95，六件壽司四件卷物，仲有前菜烏冬及飲品，算係定食餐牌上唔錯嘅選擇。壽司選材好基本，係一般港式日本食店常用果幾種，始終一遊在我心目中唔係食壽司刺身嘅好地方，當然不能苛求太多，不過壽司飯握得唔錯，而且用料新鮮，尤其係鳥貝，竟然有意料驚喜。烏冬份量唔多，質感味道雖然一般，但在暖暖嘅湯襯托下，很快就將整碗烏冬送入肚內，感覺唔錯～！
![]( "251210-05")
|
| 芝士厚燒玉子無懈可擊 |
![]( "251210-06")
|
| 令我瘋狂的蛋卷，每日食都唔會厭 |
戲肉來了，一遊嘅厚燒玉子款式有原味，雜菌，芝士，蟹肉，河蝦，海膽等。每一款我都試過，但最喜愛的只有原味及芝士味，其他配上饀料嘅玉子蛋卷，蛋味被搶去不少風頭，唔太喜歡。芝士厚燒玉子切開，半溶芝士跟蛋卷相當配合，入口嫩滑又充滿蛋香，就算唔加蘿蔔蓉同埋醬油，味道已經相當醉人，絕對係人間美味！曾試過跟幾位友人一人一客，而且再返叫幾回，美味程度相信大家都估到...
一遊日本料理
灣仔皇后大道東183號合和中心3樓320-321舖
============================================
感謝 kent1012 提供以上資料
kent1012http://www.kentxfood.com/
============================================
