上次試完菓匠茶屋嘅北海道3.6牛奶軟雪糕後，一直都想再試5.0特濃版本。心諗5.0定必奶香會比3.6更豐厚，原來呢個只係我呢啲升斗市民心甘情願嘅想法，回來後睇到原來已有前輩中招，只怪自己盲目追求數字，一早已試過最好嘅3.6，卻要多此一舉將美好嘅軟雪糕回憶，留下污點…唉！
![]( "110221-01")
|
| 食呢個雪糕，要同時間鬥快... |
店外有張海報標榜生乳兩個字，當然吸引唔少人停低一望。以新鮮北海道牛乳即榨製成雪糕，奶味定必濃郁，無奈換來只有一片無奈…入口奶香係還可以，但跟3.6似乎差不多，無果種震撼性分別，質感上唔夠滑溜，而且雪糕一到手，就已有溶化倒塌危機出現，雪糕明顯水份太多，導致黏稠度不足，再加上唧雪糕果位姐姐仔技巧唔夠好，一切來得太令人失望。
呢杯雪糕盛惠＄27，比起菓匠茶屋更貴，相信唔會再有下次，唯一慶幸係個雪糕筒咬得夠脆口，而且散發陣陣蛋香，味道確實唔錯，否則呢篇食評只會換來一個喊面。
Mazazu Crepe沙田沙田正街18號新城市廣場2樓City’super Unit Q
============================================
感謝 kent1012 提供以上資料
kent1012http://www.kentxfood.com/
============================================
