元朗港式日本食肆眾多，大多數都係以大件夾抵食為賣點，吸引到唔少食客幫襯。而坊間評價不俗嘅田中已試過，心入面一早放入永不再去嘅黑名單中。最近突然冒險精神再度作祟，於是黎到呢間人氣度甚高嘅酒泉日本料理食午飯，最後雖然可以飽肚離開，但心入面仍然覺得是一個「超錯」的選擇～！
![]()
|
| 元朗區最多人讚好嘅日本餐廳 |
上網睇返，原來酒泉日本料理係元朗區最多人讚好嘅日本餐廳，比起聞名港九嘅田中贏好多。可惜食完之後，我完全唔覺得呢度係我杯茶，某程度上可能比田中更差勁。但諗深一層，一分錢始終一分貨，起碼比起西九龍明將地獄好上百千倍...
午餐選擇好多，由三十幾至五十幾不等，仲要免加一，價錢相當大眾化。貪心又肚餓嘅我叫左什錦壽司拚盆，以為可以一嚐豐富元朗地道和食，誰不知呢個係錯誤嘅開始...
![]()
|
| 日式海鮮蒸蛋 |
日式海鮮蒸蛋實在令我大開眼戒，第一啖放入口已食到濃烈魚腥味，但眼見只係乾涸嘅冬菇同埋死氣沉沉嘅魚蛋片，魚腥味到底從何而來？原來入面有隻唔新鮮嘅蝦，同埋半生熟嘅三文魚塊...食左幾啖，搵到真相後...放棄了！
![]()
|
| 湯烏冬 |
湯烏冬...大家估下係咩湯底？我到依家仍然答你唔到，豬骨麵豉通通唔似，只係得一個咸字，好似污染左嘅泥水咁。烏冬煮得太耐，完全失去彈性，如果唔係好肚餓，呢碗烏冬我都唔會食左半碗～
![]()
|
| 蟹籽沙律 |
最有睇頭就係呢個蟹籽沙律，份量驚人，可惜蟹籽極唔新鮮，單靠厚厚沙律醬同青瓜支撐大局，或者呢個就係元朗和食嘅特色，抵食夾大件...
![]()
|
| 八件壽司 |
八件壽司只有三文魚，墨魚較為對辦，至於其他甜蝦，北寄貝，銀魚，吞拿魚等，完全係比百佳更次嘅貨色。唯一可取就係舊飯都算搓得幾好，夾落唔會咁易散，而且夠飽肚...
[caption id="attachment_1598" align="aligncenter" width="300" caption=""][/caption]
![]()
|
| 軟殼蟹手卷 |
可能之前個烏冬無食晒，搞到少少唔夠喉，於是再望下餐牌睇下有咩食，見到原來午市可以加$5-7柯打多個手卷。於是叫左軟殼蟹手卷，味道一般，但勝在熱辣辣新鮮炸起，幾蚊就算係咁啦！
![]()
|
| 松葉蟹膏手卷 |
另外仲叫左松葉蟹膏手卷，蟹膏少少飯多多早已預左，但食落味道都OK，性價比實在好高，心諗早知叫個最平午餐再加多幾件手卷好過...哈哈～！
酒泉日本料理元朗教育路81號元達樓地下
============================================
感謝 kent1012 提供以上資料
kent1012http://www.kentxfood.com/
============================================
