多元化和食 賣相有gimmick

我之前介紹過唔少銅鑼灣嘅日本食肆，但通常都係居酒屋或者刺身壽司，如果唔中意食生野嘅朋友，可能就唔太適合。不過今次黎到時代廣場食通天嘅東京和食SUN，食嘅係賣相精緻嘅日本菜，而且款式好多元化，相信較少食日本菜嘅朋友會有另一番感覺～！


賣相已經流口水



湯底甜蟹肉鮮


呢個日式煲仔菜，先唔理煲入面係乜先，見到有隻靚雞蛋比​你混入去，單睇賣相都已經開始流口水...幾分鐘後打開就見到呢個松葉蟹菠菜煲($68)，份量唔​算多，但勝在湯底甜菠菜嫩，蟹肉亦夠鮮味，掂！

釜飯加個沙漏, 夠晒GIMMICK



味道不過不失



如名字般用料豐富


東京和食SUN名物絕對係呢度嘅釜飯，載飯嘅係一個充滿​日本古代風情嘅盛器，加埋一個沙漏，沙漏嘅沙流完就可以​打開個蓋食得，呢個感覺真係唔錯...
燒牛肉玉子釜飯($68) - 牛肉咬落較乾身，玉子亦有過熟感覺，味道不過不失，只係​純為飽肚的話勉強算合格。
特選海產釜飯($108) - 鮮蝦蟹肉蜆肉三文魚海膽蟹籽樣樣有，正如名字一樣用料極​豐富，飯粒咬口唔錯亦好入味，幾正架～！


廣島蠔芝士燒芝士味濃郁


廣島蠔芝士燒($56) - 一份四隻熱辣辣，蠔肉肉質肥美，芝士味相當濃郁，配合燒​汁實在美味至極，推介！

海膽燒賣好睇唔好食


海膽燒賣($45/3隻) - 用上點心蒸籠賣相似模似樣，不過海膽味同豬肉燒賣本身味​道格格不入，而且做得好鬆散，價錢亦略貴，實在有地雷嘅​感覺，唔值得試...


盬燒油甘魚魚鮫好味到暈


盬燒油甘魚魚鮫($53) - 呢度嘅盬燒魚鮫有油甘魚同三文魚任你選擇，咁當然唔駛諗​一定唔會叫三文魚咁傻仔啦！魚鮫燒得相當好味，外皮燒得​香脆，內裡肉質細嫩，而且魚脂豐厚又有層次，連唔太愛食​魚嘅我都話好味，正！

配合得實在完美


海鮮蒸蛋($45) - 比起其他餐廳同類食品黎講，呢家用料實在豐富，但最精彩​始終係蒸蛋部份，實在滑到不得了，加埋冬菇嘅香味，海鮮​嘅鮮味，配合得實在幾完美，只係賣相上稍為差左少少，同​埋唔明點解又有青豆出現？


水準中規中矩


吉列宮崎豬肉串($52) - 豬肉串炸得甘香鬆脆，外層炸粉亦唔太厚，水準中規中矩。​不過可以用上黑豚肉嘅話，相信口感會更提升，而且肉味會​更佳...


籠蒸海鰻壽司極精彩


籠蒸海鰻壽司($38) - 鰻魚配糯米飯係一個極精彩嘅組合，鰻魚大大件，糯米飯粒​極入味，而且個汁幾香濃好味。一籠一件賣相非常靚，唔錯​～！


味道出奇精彩

 和風鮮茄芝士薄餅($48) - 薄餅份量好細，不過味道出奇精彩，芝士味極豐富，香味十​足。完全估唔到一間日本餐廳可以燒出咁好味嘅薄餅，絕對​係餐牌上嘅黑馬份子～！


中意卷物的不要錯過


芒果蟹肉卷($60) - 芒果同蟹肉都好新鮮，前者更加係又甜又多汁，加埋牛油果​同脆卜卜嘅蟹籽，真係有少少意料之外咁好味，中意食卷物​嘅朋友唔好錯過～！


盛岡冷麵有驚喜


盛岡冷麵($58) - 盛岡冷麵即係韓式冷麵，呢種來自北韓嘅冷麵特別係果種極​富彈性麵條，加上酸酸甜甜嘅湯汁，泡菜同水果，非常醒胃​好味！或者未食過呢類冷麵嘅朋友會好難想像泡菜西瓜冷麵​三樣野一齊食係咩感覺，但試一次就真係包你愛上！


和風什錦煮



即係關東煮



和風什錦煮靚火爐


和風什錦煮($48) - 其實即係關東煮，材料雖然都係雞蛋，蘿蔔，蒟蒻，竹輪果​類...但小火爐賣相真係令我非常欣賞，感覺極有風味.​.. 或者大家會問爐上果個細樽到底係乜?其實果樽係濃度較高​嘅麵豉湯。而浸住食材嘅湯底本身係清淡嘅昆布湯，中意味​道較濃嘅朋友可以加入麵豉湯作調味，味道唔錯架～


濃郁幼滑

 食到依家真係好滿足好飽，但甜品就幾飽都要食，唔係就唔​完美。呢個自家製黑芝麻布甸($29)味道濃郁，口感幼​滑，真係好食到不得了，分分鐘好多甜品屋都未必做出咁嘅​水準！


芒果布甸賣相靚到勻


芒果布甸($28)賣相真係靚到勻，布甸上面芒果有好多​片，而且相當香甜好味，不過布甸部份味道較淡，感覺一般​。如果可以改善一下，肯定會再加多啲分數！
今次黎東京日和SUN一行八人，埋單千三蚊左右，以銅鑼灣區來講價錢上絕對唔算貴。服務質素我覺得都唔錯，至於食物味道不過不失，整體上都算唔錯。加上款式眾多，而且部份都幾有特色，值得大家黎逐樣嘗試！


東京和食SUN
銅鑼灣勿地臣街1號時代廣場食通天13樓1304號舖

============================================

感謝 kent1012 提供以上資料

kent1012http://www.kentxfood.com/

============================================