繼續再講囍宴廚藝私房菜，食完幾個各具特色嘅頭盤之後，依家輪到主菜出場喇...
![]()
食完幾個頭盤之後，到第一個主菜出場。呢味雲上東坡醉千層係得獎作品，賣相絕對係靚到嘩嘩聲，忍唔住用唔同角度影多幾張相...
![]()
|
| 雲上東坡醉千層色香味俱全 |
雲上東坡醉千層跟傳統嘅東坡肉好唔同，唔用紹興酒改用日本清酒，豉油亦改用日本豉油，東坡肉去肥膏後切得薄薄做成塔狀，入面填得密密又入味無比嘅梅菜，再加上濃度剛好嘅汁，送飯就最啱不過，呢度亦跟左一大盤白飯，搞到大家好快就食得飽飽...哈
![]()
呢味雖然地舖都有得食，但呢度個賣相明顯靚得多，尤其上面果隻巨型辣椒，真係相當吸引。
![]()
|
| 金牌口水雞辣得有層次 |
雞肉非常鮮嫩及有彈性，麻辣味辣得好有層次，剛食時唔覺咁辣，但愈食就愈刺激，加上芫茜皮蛋的香味，就算要不停冒住汗食都值得...
![]()
|
| 金不換雪葩味道獨特 |
食完兩味味濃較濃嘅主菜，餐單上特別安排呢個時候送上金不換雪葩。雪葩杯入面有藍莓，芒果同埋奇異果粒，口感清新甜美。不過金不換味道較獨特，未必個個喜歡。聽Jacky所講，仲有好多種特別雪葩輪流替換，其中皮蛋紫薑味雪葩真係最吸引，好想試添....
![]()
|
| 蟹皇糯米飯鮮味到不得了 |
呢個糯米飯同我地平時食果個好唔同，用上蟹粉，蟹王油混入糯米再去蒸，就咁聽已知夠晒味，仲要果隻又大又多膏嘅蟹蒸完之後，蟹味倒流返入去飯身入面，真係鮮味到不得了！
![]()
|
| 清潤四果燉雞湯 |
何謂四果? 正是蘋果雪梨無花果同埋木瓜，四款加埋已預計到係非常清甜，之前食完咁多好野，依家飲返個滋補湯水，真係一個好好嘅享受...
![]()
|
| 百合露筍炒鮮菌 |
最後一味主菜就係百合露筍炒鮮菌，最特別就係切得薄身嘅百合，食落去爽口得黎亦無左百合果種苦澀味，加埋各種鮮菌又香又新鮮，新鮮到爆嘅露筍，作為整晚最後一個菜式都唔錯。
![]()
|
| 蕃薯薑湯黃金湯圓 |
甜品係蕃薯薑湯黃金湯圓，蕃薯薑湯相信唔駛多介紹，但黃金湯圓到底有咩饀料咁特別？一咬落去感覺脆口，亦感覺到有陣微妙嘅咸味...一問之下，原來入面有糖冬瓜，咸蛋黃，芝麻花生同埋牛油，怪不得食落又香又滑又爽啦。而且有得外賣拎走的，承惠$38/十粒...唔貴喎~！
![]()
|
| Jacky親手送上貴賓卡同埋私房菜食譜, 開心到爆！ |
呢餐晚飯連酒水，每人約$700，食質素食環境食級數，絕對抵返晒。最後友善嘅Jacky更親手送左幾張貴賓卡同埋本精美私房菜食譜俾我，超級爆開心呀！多謝晒呀~~
囍宴 廚‧藝灣仔灣仔道83號3樓
============================================
感謝 kent1012 提供以上資料
kent1012http://www.kentxfood.com/
============================================
