由星級名廚Jacky Yu親自主理嘅囍宴廚藝私房菜，今日終於有機會試到。價錢上雖比起其他囍宴地舖較高，不過我今次食完感覺確實滿意萬分，值回票價。由於星級飲食達人創新食品令到我咁興奮雀躍到想第一時間推介俾大家，無奈時間不足，所以今次嘅食評亦會以上下兩篇分兩日登出...
![]()
|
| 是晚菜單 |
晚宴由４個頭盤，６個主菜及一個甜品組成，較早前已先通知本人唔食魚，所以菜單上亦跟客人要求而作出改動...
![]()
|
| 桂花烏龍茶 |
精彩晚宴就由呢一壺桂花烏龍茶開始，桂花味芬香撲鼻，但飲落去只有香濃烏龍茶味，桂花及烏龍茶分別同時佔據我嘅味覺同嗅覺，實在精彩！
![]()
|
| 清酒黃金一口鮑魚肉質嫩腍美味 |
用上日本萬字醬油，清酒，雞湯等材料，將已挑去內臟嘅九孔鮑一齊煮，最後淋上鮑魚汁，放上海膽同埋三文魚籽，單係睇賣相已經流晒口水...
![]()
呢個鮑魚頭盤比平時酒家食果啲更覺簡單出眾，視覺上覺得矜貴，而海膽嘅鮮甜同肉質嫩腍美味嘅鮑魚好似發生一種微妙關係，鮮味無比，實在令人欲罷不能，同時亦係我今晚最欣賞嘅菜式之一。
![]()
|
| 貴妃醉蝦 |
看似平平無奇，但食落有驚喜。用上海菜常用醃食物用嘅糟滷，加埋紹興酒，上湯，再加埋食落麻麻香香嘅花椒油醃成，用料上已覺得幾特別。而且蝦早已挑腸去腳，麻香酒香共冶一爐，正！
![]()
|
| 瑤柱絲涼拌油菜花口感細密 |
普普通通嘅乾菜心同埋瑤柱汁，竟然可以製作出一個口感細密，涼快清新嘅頭盤，其實單憑我三言兩語，好難感受到呢個菜式微妙之處。只要你中意食菜心，我肯定你會一食就戀上佢...哈哈！
![]()
|
| 芥末燈影牛肉愈食愈愛 |
食落好似一塊好多汁嘅牛肉乾，而細味下又有好似芥末豆咁嘅味道。點解叫燈影我就無問，不過脆卜卜愈食愈愛，用黎佐酒更加係絕配...
![]()
講起佐酒，不得不多謝Jacky送俾我地嘅桂花荔枝陳酒，Jacky話枝酒係用新鮮荔枝一年前開始釀製而成，事實上飲落同平時飲淡白色果類荔枝酒好唔同，有少少桂圓味，好香好易入口，大家有機會就當然要試下喇～！！
(待續...)
囍宴 廚‧藝灣仔灣仔道83號3樓
============================================
感謝 kent1012 提供以上資料
kent1012http://www.kentxfood.com/
============================================
