0

澳門奴食之一旅day 1~

味之素 於 2011-01-19 00:00:00 發表  |  累積瀏覽 692

分類:長線旅遊 餐廳 特色街道 ;地區:澳門
因為網上有得以平價buy澳門既船飛,$59一程,來回都只係$118,加上4人又好耐冇一齊去旅行,所以4人2日1夜奴食之旅開始了haaaaaa~!


book左格蘭酒店,$900一間房有兩張雙人床,4人一定夠啦~~~~~!

講起喱間酒店,表面睇好似唔錯,實際好唔掂呀,好污糟,一入去地下已有餅碎,好明顯冇吸塵啦~張被又唔夠暖,入面櫃張被仲要有達跡既!!!!!唔洗用,真係平野冇好野(不過都真係幾平既...),放低左行李之後開始奴食之旅了~!

去到澳門奴食之旅第一站就係澳門最出名既葡撻,聽會長講喱到既葡名好食呀,一定要去試下了~!

wa~!果然係出名野,好多人排隊呀,我諗當中大部份都係遊客~!

雖然係好長龍,不過都好快buy到呀~!

睇下入面既環境,原來除左葡撻之外,仲有其他野食呀,不過主力食葡撻,同入面其實唔比影相呀......!

最初以為只係賣葡撻,原來係cafe來的,我係睇到喱個牌先至發現~!

可以係到食埋先走,個環境都唔錯呀,如果有時間係到嘆杯啡食個撻睇下書都幾寫意呀,不過我地係遊客之下係急急腳的食,haaaaaaaaa~!

擺左個位先~!

yea~!新鮮出爐既招牌葡撻有得食了,我地4個人,每人兩件~!

葡撻~$8個~!

熱辣辣既葡撻,食果時小心辣到咀呀,咁凍之下食真係好正,個酥皮好香,好鬆脆,不過油左少少,入面d蛋漿真係好多呀,好好味,熱辣辣既蛋漿好有蛋香同食落幾滑,有少少入口即溶之feel,又唔會太甜,好味呀~!
瑪嘉烈蛋撻店:新馬路馬統領街金利來大廈17B地舖

岩岩聖誕節過左冇耐,佢d聖誕佈置仲未拆呀,忽然覺得有聖誕左了~!

好大間鉅記haaaaaaaaa~!

喱到好有上海既feel呀~!

行左陣之後又食,聽講喱到既蝦子麵幾出名,好奇要一試呀~!

果然係招牌貨~!

入面真係好多人呀~!

主要想影果幅畫,因為喱到既蝦子麵係人手用竹壓自家制既,所以會係特別好食~!

有介紹~!

即睇下佢有咩食,有湯麵又有撈麵既,我地揀左招牌蝦子撈麵,$22~!

小食揀左酥炸鯪魚球,$31~!

小食揀左酥炸鯪魚球,$31~!

招牌蝦子麵,個賣相好整齊,同好細心呀,中間有條界,已幫我地分左一半,haaaaaaaaaaa~!

即撈混來食,蝦子都算幾多同食落都幾香口,而個麵食落都幾彈牙,唔乾又唔會太油,同埋冇鹼水味呀,不過個味道上我又覺得唔算係特別好食,係個口感幾好,味道ok啦~!

酥炸鯪魚球~!

蜆芥醬~唔知係飽埋定屈機比既,不過既然來到就照試下啦,點綾魚球食既,味道都幾咸,有少少攻鼻既feel,又有點似腐乳既味呀,如果唔係太咸其實我ok個味既~!

一碟有八粒,又係岩岩好呀,每人2粒~!

酥炸綾魚球,食落都幾爽口彈牙,綾魚肉味幾濃,唔錯呀,點埋個蜆芥醬食更加鮮味~!
祥記麵家:新馬路福隆新街68號地下

又係隔左一陣都冇耐又食呀,又係聽講出名既,雖然唔夠另一個義順出名~~~~~!

食燉奶同甜品既~!

入到去竟然係冇乜人,心諗有冇去錯地方喱,有點不安呀~!

即睇有咩食,要左個鳳城雙皮燉奶~!

個阿姐好快比到我地了~!

因為係向喱到拎既~!

熱鳳城雙皮燉奶,$17~!

雙皮奶個皮真係唔多覺有,同唔算太濃奶味,亦唔係好滑同水水地,雖然我對奶既野都冇乜特別要求,不過喱個事實又好普通,香港既義順好食過佢呀~!
保健牛奶公司:新馬路褔隆新巷4號

褔隆新街,古色古香呀,唔知點解好有新年feel~!

個名好正呀~!

wa~!真係好大呀~!

周圍行同搵野食,途經喱到又係buy手信既時候~!



兩位師父整梗餅~!

buy左合來試呀,一合裝10個好似係$20~!
最香餅家:新馬路夜呣街12號B地下A座

好多小食既地方,其實好多食野既地方都係新馬路呀,haaaaaaaa~!

行左陣又再食,以金錢餅出名,最初我唔知係咩餅來,原來係薄薄地又幾甜既餅,一直唔知係咁叫,去到已好多人排隊呀~!

個阿姐好忙呀不停整~!

整得好快手呀,唔洗排好耐就有,不過佢原來有限定供應的,隔左一陣就賣晒唔整了,明天請早呀,唔知係因為要收檔定係冇晒材料整呀~!

$10一份~!

金錢餅,新鮮出爐之下聞落幾香,食落好薄好脆呀,都幾甜,不過係我個人覺得甜,整身上都係唔錯既~!
潘榮記:新馬路大砲台街1號B地下

係潘榮記既隔離就係喱間賣胡椒餅既小食,係台灣野來既~!

好吸引~!

除左胡椒餅之外仲有其他小食賣呀~!

胡椒餅,$12~!

新鮮出爐之下好熱呀~!

好似好好味~!

喱個胡椒餅好味呀,聞落好大陣胡椒味,食落又唔會好激呀,唔太辣,入面既餡係一舊豬肉來既,好有肉汁好好味,加上有蔥之下味道更加香口,肉汁滲落個包到食落好滋味呀,不過個餅係油左少少既~!
台灣帝鈞碳烤胡椒餅:新馬路大炮台街1C地下

沿途見到個好攪笑既kt~!

喱個既白粥同豆腐花都幾出名,我地冇食到白粥,主要食個豆腐花呀~!

好吸引~!

個場人流唔太多又唔太少~!


即睇有咩食呀~!

芒果豆腐花,$5.5都幾平,主要係試喱個呀,食落好有芒果味呀,個豆腐花都幾滑,又唔太甜呀,幾好味~!

綠茶豆腐花,$5.5,以為會係綠色豆腐花呀 ,食落冇乜綠茶味,得少少,仲要好似維他既綠茶味呀,唔太好味呀~!

野食都幾平呀可試下既~!
盛記白粥:新橋(三盞燈/白鴿巢)雅廉訪大馬路77號地下

又返到去氹仔舊城區,晚餐去食水蟹粥,最期待係喱個呀,唔知喱間係味總店來,又唔知係味因為入面太多人or有人訂左枱既關係,叫我地去另間地方(分店)到坐,不過都好近呀~!

就係喱到呀,個位置比較隱蔽,間舖既對面有好多貓出沒架,好得意,好想影~!

喱到有樓上既,不過我地坐樓下,仲方便~!

水蟹粥必食呀,順便睇下有咩食~!

個餐牌~!


水蟹粥,係細既,$120,細都咁大兜,4個人一定夠食有凸呀~!


感謝 味之素 提供以上資料
個人日誌: http://moritatintin.blogspot.hk/

鐘意SeeWide的分享,給我們一個Like吧!
  • 攻略日期:N/A
    攻略地點:澳門
  • 攻略時間:N/A
    是次消費:N/A
0人比"掂"

最多能輸入300字

五星探險家
簡介:

累積瀏覽 1156841

全部攻略 2290

全部回應 9714