又同食之戰友yan and yin一齊去食野,因為大家仲未食晏,漫無目的之下去左喱到食~!
又係好似七本既格局,食既野都係差唔多款,其實果條街好多間差唔多既日式店呀,爭在好唔好同有幾抵食唧,而喱間又係有$100以上可加$25有半磅三文魚刺身呀,幾抵食~!
下午唔係咁多人~!
又係暗既環境,唔同日本既居食屋真係咁既,未去過日本唔知呀~!
果然有一休既風範,有蟬包,不過冇留意到講咩呀~!
原來晚市至有加$25有三文魚刺身呀= = ".......不過入左來當然照食啦當試下新野,同算係幾平下呀個價錢,個餐跟個麵豉湯,加$1有橙汁or汽水~!
等食中~!
必用既調味料~!
麵豉湯,同平時既差唔多,ok啦~!
三文魚生飯,為三文魚以來,即叫左喱個,都算係幾多三文魚呀,唔厚又唔會太薄,即係同sushi上既三文魚厚度差唔多,味道普通啦,而個飯真係太酸了,唔係變壞果隻酸,係落得太多sushi醋既酸...整體一般呀~!
三文魚炒飯,以為會有三文魚刺身係面呀,因為個圖好似係有的,不過原來係冇既,只係有炒熟既三文魚粒,不過味道又ok呀~!
芝士軟殼蟹卷,個賣相好吸引呀,特別係塊芝士~!
好大件,食落d飯又唔會散果下勁,不過d飯都係酸左點,個芝士唔算太濃,以為會好濃芝士味呀,不過都幾好味既~!
綜合來講三文魚刺身and芝士軟殼蝦卷都幾好味,不過d飯偏酸呀,個服務態度唔太好,比漏野語氣又差= =",相對起來覺得七本好點呀~!
旺角通菜街17號地下及1樓
感謝 味之素 提供以上資料
個人日誌: http://moritatintin.blogspot.hk/
