19-10-2015 (農曆九月初七)
自從主場比人跴爆咗，所以都怎少去釣魚囉，今日真係得閒到發慌，無所事事，執起Ｄ釣具想話整理吓佢，點知唔執尤至可，一執起枝竿釣魚引就發作，典床典蓆，口水鼻涕一齊黎，唔對路喇，即刻執齊架生，落街市買半斤蝦，唔理邊度喇，見到泊邊就踎埋去頂頂引先，跟手飛兩枝竿打沉底；釣咗兩個鐘度，中嘅都係坑簾梳蘿，正想話飲啖水，特然其中一枝竿比魚拉咗一野，我即刻執起枝竿，當條魚番口再食果吓就抽竿，中咗，條魚發力扯到行，頂咗一陣就連抽帶攪，收咗幾吓，條魚再沖，磅頂即時叮叮聲響，真過引，好奈冇聽呢Ｄ聲喇，我一抽起又攪咗幾吓，呢次條魚冇扯得咁行喇，我就慢慢將佢收埋黎，見魚原來係細鱗，唔怪之得咁好力喇，跟住撈箕上水，即落生扣，鈎過粒餌，掟番去正話中魚果度，睇仲有冇運行先；跟住釣多半個鐘再中條火點仔，一路釣到十點幾，連魚毛都收埋口，成晚過足引，成個人舒服哂，跟住執野鬆人去宵夜喇！
今季第一條細鱗。
踎喺泊邊都中細鱗斤頭。
感謝 白果魚神 提供以上資料
白果魚神的網誌: http://a991952.blogspot.hk/
