難得一日請假，約左好友聚頭食個晏：）
銅鑼灣Times後街原來多左唔少上樓食肆，今次就去左霎東街OLIV試下日式料理--霜月。
時間唔多，但女仔聚頭總有講唔完既話題，搵間坐得舒舒服服實無死。
重點呢到有屏風，好有私人空間，講野大聲少少都唔會嘈到人，但當然都唔好太過份啦XD
我地叫左幾個定食Share，可以試多幾款嘛。
每個SET都有機雜菜沙律、麵豉湯、日式燉蛋，白飯連甜品。
沙律唔太岩我呢D唔食菜既小朋友，友人已經幫我KO左。
麵豉湯好咸淡度岩岩好，豆腐滑嘟嘟，清新!
日式燉蛋收埋唔少海鮮，值回票價。
先黎個魚生拼盤，我食左象拔蚌，好解甜爽口。
吞拿魚腩日本海膽丼，吞拿魚腩舖滿半個飯面，海膽佔1/3，再加上少量配料，剩係氣勢都好有派頭。
我本身唔太食魚生的，食左舊蛋XDDD
連蛋都好味過人，Juicy有蛋味，滲返少少甜味，Like!
牛肉香味燒定食大愛! 牛肉嫩口又炒得香噴噴，夾埋啖飲食真係有滿足既感覺呀：）
牛肉網燒定食其實都好食，牛肉燒得好香口又唔乾，不過就被之前的比下去了。
但如果本身鐘意食牛既原味就揀呢個啦!
最後黎左個壽司，又係生野，所以放棄左。
我唔夠飽(本身都食幾多野的)，所以加碼左個稻庭烏冬，幾乎係我一個KO左^^"
湯底好濃郁，牛肉真係呢間餐廳既好物，反而烏冬就一般般，唔係唔好食，但平平無奇。
累積瀏覽 481468
全部攻略 1065
全部回應 167
