晚飯@泰味村新恆福菜館~

呢兩三個星期自己或老公在工作上都好忙, 連找食都懶了, 都係搵番屋企附近的食店來開餐~~

泰味村是屋企附近薄有名氣的泰式餐廳~ 近來看到它裝修, 有懷疑過係咪關門大吉......點知原來變了一間泰式+中式餐廳, 仲改了一個頗長的名字~ 既然有點改變, 不如又去食吓啦~

去到的時候, 時間尚早, 不用等位, 有卡位坐~ 分別看了泰式同中式餐牌, 都係想叫泰式食物多啲, 結果冇食中式小菜了~


叫了一份泰式燒雞, 100蚊半隻~~ 味道都不錯, 外皮脆脆的, 肉就比較熟, 但個人覺得食雞都係熟啲好~ 其實雞本身的味道同中式一樣, 只係多了一碟泰式醬汁, 少少酸少少辣, 幾惹味~ 是汁料做得唔錯, 加了少少分, 雞就合格啦~



泰式蝦仁炒金邊粉~ 這次粉內有臘腸, 心想正宗的泰式金邊粉係咪冇的? 不過有臘腸有蝦都OK, 令到個粉鹹味濃一點, 不會太淡, 而且粉不算好濕, 都算唔錯~~

2個人都係只可叫到這麼多, 看來都係多啲人來可以揀多啲唔同的菜式~~

埋單百多元, 應該有計茶芥 (所以變成泰中式菜館, 佢就可以收多啲茶錢...), 不算好抵食, 不過暫時覺得泰菜同以前來食時的水準差不多, 沒有走樣, 可以接受啦~~

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================