娘家茶聚。紫粵軒

10月22日(星期四)~依日返娘家探爸媽..順便約佢地飲茶

前一日打比媽咪~我話唔想去飯堂..食來食去又係果d

問佢地去"紫粵軒"好唔好? 佢地話好! 咁順便book埋檯

11:30am先到先等~酒樓環境幾舒服..早段無咩人又夠靜

除左點心..再點2個午餐~可以少少地試多d食物(午餐$98/位..2位起)

包括有..點心(6款),湯羹(3款),特式炒飯/炒麵(3款),精美甜品

每項選一款..另外湯羹轉原盅燉湯(+$20/位)

* * * * * * * * * *

order兩個午餐..可以揀兩款點心(每款2件)

"芥末石蠔春卷"~即叫即炸..新鮮熱辣辣好香脆

入面除左蠔..仲有菇~面層芥末醬好突出~整體味道好夾


"彩艷帶子鳳眼餃"

帶子好大隻..餃皮晶瑩剔透有煙韌感~味道帶鮮味



湯羹轉"原盅螺頭雞燉湯(x2)"



湯料好足~原汁原味..清甜濃郁又夠熱



"生炒雞粒飯"

炒飯乾身~飯粒好有咬口..但味道較為淡

一人午餐而言~依個飯既份量都算好多



"海鮮湯米粉"

餸料好豐富~有帶子,蝦,魷魚,冬菇&菜

份量都幾大碗~米粉口感就比較硬



另外再order點心.."金箔鮮蝦餃"($52)

鮮蝦大粒..勁彈牙有咬口~餃皮又係好煙韌..整體好鮮味



"杞子蝦球燒賣"($52)

我本身唔鐘意食酒樓豬肉燒賣~不過爸爸話叫就試下

蝦肉又係勁彈牙~燒賣豬肉餡料唔過肥..肉質嫩

杞子又有少少甜..有助中和燒賣既肉膩感



"富貴蝦腸"($68)

腸粉皮層好薄好滑~瀨尿蝦起肉先炸..再與翠玉瓜一同卷上

口感有軟滑又有炸脆蝦肉..好香口~翠玉瓜好清新爽脆



"蝦籽小籠包"($52)



皮薄..蝦籽豬肉餡料口感鬆軟~湯汁仲好豐富



"蜜汁叉燒包"($38)

包身軟綿綿帶點點甜~叉燒餡料都幾多..但蜜汁欠少少惹味



所有鹹點用膳完畢~侍應最後奉上午餐既"精美甜品"

食完鹹點..再食少少甜點~又真係特別舒服~芒果布丁夠凍

好香芒果味..唔太甜~合桃酥留比爸媽食..睇到幾酥鬆脆口

整體食物有水準~侍應服務+招呼好好~仲好細心關顧客人

order點心..原來部份信用咭有85折~因為埋單先知

所以無留意只係閒日..定假日都有(不包括午餐..總消費:$530.5)



飲完茶..同爸媽買抽濕機~舊果部已經老化

係時間換過部~之前幫佢地搵過料..揀左部最佳功能

不過爸爸睇中另一品牌..話外型靚~我話..唔好睇外表

不過講咩都無用..都聽唔入耳~最緊要佢鐘意囉

買機仲有野送~有伸縮杯/手機鏡頭~仲有環保麻布袋

因為依家多數用G4手機影相~所以我揀手機鏡頭(嘩哈哈)

買完已經14:30~我話唔夠時間..要快d返去同妹妹豬玩啦

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================