7-11-2015 (農曆九月廿六)
噚晚釣得一條細鱗仔，唔夠喉，今晚再去搏吓！
落街市執斤蝦就落釣場，去到Ｄ流開始慢，嗱嗱聲開竿，金睛火眼睇到實，由六點一路到七點幾，其間比蟹化咗幾口餌，眼尾見有枝竿頭又好似比蟹拉吓拉吓，咁我巡例都要攊起之竿架，嗯～轉咗牌頭囉喎！今次又好似坑簾咁食法，我就慢慢將枝竿提高，呢個動作有較喇，特然一吓強而有力嘅搶餌，一抽！中咗～一頂起即攪五六吓，條魚想衝落去開尾，我拑實個鉸出力頂一陣，佢再衝，我唯有就一就佢，不過呢次我冇放線，再往上頂，一感到條魚比我拉番起就搏命收多六七吓，收唔郁就頂，老虎都唔放線，仲要集中精神睇住條魚線嘅走位，盡量唔比條魚埋樁，經過三四個回合就將條魚收到上水面，一野飛個撈箕落去跟住上水，大戰結速，解鈎落生籠，換餌繼續。
呢個時候開始起落流，咁我就換過個位，一路釣到十點都再冇魚訊，跟住就執埋Ｄ架生，走人去宵夜喇！
番到屋企，專登大大聲開門，嘈醒大人，又有得向佢揚威耀武喇。
呢條細鱗三斤起碼。
番到黎仲好生猛，机乎比佢吉到。
係食轉流果一陣，仲係食得鬼鼠果隻。
感謝 白果魚神 提供以上資料
白果魚神的網誌: http://a991952.blogspot.hk/
