0

2015 北海道8天遊 (day 3)

tansy 於 2015-08-27 00:00:00 發表  |  累積瀏覽 358

分類:
唻到第3日~ 開始要展開自駕遊~ 初初心大心細心~ 到底搭JR好~ 定係渣車好... 但因為無乜點plan好個行程... 再加上北海道地方太大, 有d地方又偏遠 如果搭JR再轉車, 未必方便~ 先決定渣返車~ (但如果係冬天的話, 安全為上, 我地就唔會渣車lu~)   因為book車唔算太早book, 再加上暑假旺季~ 所以... 所有平價細車都fully booked... 咁都唔緊要o既~ 呢架cube都唔係貴好多~ 加埋保險, 6日(唔連油費+high way etc費用) 計返hk$3000~  (如果係cc再細d o既細車種, 只要$2300左右, 平幾百蚊) 至於油錢+etc路費... 預返$1500左右~ 租車total cost 約 $4500~ (average $700-750/日~) 唔算特別特別平~ 一唻book得遲, 無乜優惠價~~ 二唻cube會貴小小~ 唔係最平o既車種~ (但好彩租咗cube... 因為細車放唔落3隻喼加其他雜物) 三就暑假旺季~ 咩都貴la~~~   如果compare with 公共交通工具~ 7日o既JR PASS, 每人30860yen 未計轉車, 轉乘其他巴士/的士等等~ 其實都已經要hk$3900~ 再睇, 時間一定要follow足, 唔可以遲, 一遲就唔知要等幾耐~ 無咁大彈性呢~ 其實我地最concern就係要拎住幾隻喼周圍走... 呢樣先慘... 所以計落差唔多, 就租車la~~~       p.s. 租車格價~ 可以去各大日本租車網到格價~ 但試過幾次, 都係tocoo最抵~  

  我地約咗11am攞車~ 搞好d paper work之後, 都差唔多成45mins 之後lu~ 攞車前check車~~


架車好新淨~ 夠闊落~^^~ 舒服~~~ (仲記得對上年頭福崗租車果次... 架車臭到呢.... 訊訊心有餘悸... haha~)     之後就去食lunch~ 去到食出名o既蟹~~


.   其實我同訊訊都唔係太鍾意食海鮮~ 但一場唻到... 又無理由唔食佢地o既名物~~   全棟都係佢地ga~~ 地下裝修得好有佢地o既特色~~

<- 睇唔睇得到水池入面全部都係蟹呢~~~  



  lunch set比dinner平一半有多~ fm 2千幾至5千幾yen不等~ 但dinner雖貴, fm 5千幾yen起, 但食o既蟹份量又相對地多好多~ 所以如果你地鍾意食蟹, 夜晚dinner set o既份量真係多好多ga~


    呢到地方太大~ 所以每枱食客都有一間包廂~ even我地2條友都超有私人空間~ very nice~!   我地叫咗個4千, 同埋5千yen o既set~~

  我都唔鬼記得... 係食緊乜... 總之都係d傳統o既日式料理, 每一味都有蟹蟹蟹~~~


味道平均唻講ok~ 但無大阪果間咁正~~~

















  我滿心期待佢個蟹燒賣ga... 但係... 無大阪咁好味...











  食到最尾... 呢個粥... 超超超超好味~ even食到好full~ 但都食晒佢.... 呢個無得輸~


        yoyoyoyoyoyoyo~~終於出發la~~ 我地o既做法, 係朝早o係酒店check out後, d行理放o係酒店到~ 之後攞咗車先渣去酒店拎~ 因為無理由拎住d行理行幾條街咁笨ga ma~~~


  但呢一日天氣好差~ 溫度跌到落16度... 仲落雨落不停~~~


  我地第一站係出發去Niseko (新雪谷) 好似較少人去呢到~ 由札幌出發, 渣車大約2.5小時~


  途中經過唔少曲折山路... 真係有辦你睇... 幾彎彎曲曲....


<- 條路真係好曲折...   仲要落住雨... 能見度超低.... 其實都好危險~


  完全見唔到6-7米以外o既野...


  渣咗個幾鐘~~ 突然見到有個農場~ 心血來潮就駛咗入去~ 無預先plan過ga~~


  呢個farm有精品, 小食, 自家製o既野食賣~ haha~ 又食雪糕~~ 一日一甜筒~





  仲有玩樂設施~~~


  個農場好好~ 無收入場費~ 如果你買野, 食野, 先比錢~ 你絕對可以停低車, 就咁睇下d小動物就走人~^^~ 零收費ga~


  點解我仲未食完ga~~ haha~~~


    買咗2盆紅羅白餵佢地~ 每盆100yen~~ (請自助付款)


      呢到有馬~~~





    仲有剪咗毛... 唔似羊駝o既羊駝~~ haha~


佢仲註明剪毛前o既樣~ 佢真係一隻真羊駝~~~ 笑咗~~ haha~~


    仲有2隻小羊周圍走問人拎野食~~





    仲有迷你馬~? sorry... 我唔記得佢地叫咩名~~~ hee~~~


    超多羊咩咩~~~ 爭住食~~~


  wa~~ 駝鳥~~~~


    仲有好醜怪+污糟o既肥豬~~~~


    兔仔都好多~~~ 超主動想食野~~~








    d羊咩咩真係完全唔驚人~~ 仲會跳起半身叫你餵佢~~ 呢到好啱一家大細過唻~~ 親親大自然教育下小朋友, 一舉數得~~~


  stay咗1個鐘就走人lu~ 因為一路都落住雨... 呢種天氣令人好沮喪~~    

<- 隨處可以見到o既花田~     最終4點幾去到目的地~~ o係niseko呢到原本係for冬天滑雪o既旅遊勝地~~ 所以較多酒店都上山到~ 但因為夏天無咗滑雪, 我就揀咗間boutique hotel~ (唔駛上山) 類似高級版o既民宿~ 有9間房only~

KIMAMAYA BOUTIQUE HOTEL 啡黑色外觀DESIGN~ 幾COOL ga~~


  入到去~ 好新淨好靚~~ 因為夏天唔係niseko o既熱門旅遊地點, 所以... 呢一日, 我地包場~ 得我地2個客~~ o係咪好驚係黑店呢~~~ haha~~


  serve我地o既係名鬼佬~ 超意外~ 竟然係個講流利日文又識睇日文o既鬼佬, 佢叫PETER SMITH~~~ PETER好nice~ 問我地又咩planning, 推介下niseko o既特色野~ 又介紹餐廳比我地~  


  連basement, 一共3層~   個living room好靚好靚~  

      呢到就係我地食早餐o既地方~~~


  so cool呢~~~~







到房la~~~大好大陣木味~ 係好raw o既木味~ 好refreshing~~~ 超鍾意呢陣木香味~
background都係以黑為主~~








  驚喜o既, 係選用clarins o既products~ haha~
o係咪加分先~~~






    頭先講過~ 呢一晚得我同訊訊2個客~ 呢間精品酒店, 我睇中佢其中一個原因~ 就係佢有2個源泉溫泉~ 係免費浸ga~ 依家因為無其他客~ 所以我地可以唔駛排隊唔駛等~ 就可以輕輕鬆鬆浸到la~~    


  一個以木做主題~  
 

  另一個以石做主題~~~

      佢地仲可以比住客包場bbq~


眼見落雨... 又做唔到其他野~ 唯有渣架車出去睇下附近有咩行~ 旅遊書介紹o既景點大多係outdoor activities~ 完全唔啱落雨~~~   酒店房一晚房價連雙人早餐+稅約hk$1390~ 特點就係酒店靚+任浸溫泉~~~     酒店雖細, 但都有3-4人房~ 上下層複式, 好modern~




    好彩附近有間超市+100yen店~ 可以o係果到磨下行下街~~~


  超市好多新鮮食品~ 我同訊訊最鍾意買生果食~~~


  北海道出產o既蜜瓜只係1280yen~~ 平太多laaaaaa!!! 即掃~~~~


    巨峰當造都好平~^^~


    當你試幻想下~ 個盒長過一隻手掌~ 佢放咗2粒jumbo帶子~ 但都只係賣350yen~ (hk$22) 隻帶子o既size有幾咁大~ 新鮮即食甜美刺生可以咁抵~~ o係咪好難忍先~~~~~


    仲有扭蛋可以扭~^^~


    我地spent咗差唔多2粒鐘先走~~ 買得我地好happy~~ 樣樣野都好抵~ 點解咁平咁平ga~~~   肚仔餓要去食晚飯la~~~ 今日去食燒肉放題~~~   每人2980yen~~ 你可以加多1500yen +任飲飲品 (包括酒精類)~


  其實講真呢~~ 野食品種唔算多~ 海鮮/野菜/肉類, 每款都只得3-4樣~ 加埋可能得30樣野食~~~ 但味道係唔錯ga~~~





佢地介紹係話和牛唻ga~ 雪花多~ 雖然唔知咩grade~ 但好抵好味~~


    其實佢仲有湯/飯/熟食/甜品任食~~ 但我地主力食肉肉肉~~~~ haha~~ 每人叫咗杯野飲~ 埋單約hk$220左右~~ o係咪好抵呢~^^~      呢一日... 因為落雨落不停... 我地o既節目... 只可以係咁多~~~ 明明唻到NISEKO想睇羊蹄山... 但落雨大霧完全睇唔到邊座山係羊蹄山... 寄望明天會更好~~ haha~~~   後記~ 雖然不停落雨, 但同時間可以享受寧靜~ 呢到邊到唔駛煩, 注重休息~ 返到酒店後, 沖涼後可以浸下溫泉~ 之後大覺瞓~ 真係超超超正~~~~ .


============================================

感謝tansy 提供以上資料

tansy的網誌: http://tansycheung.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

見習探險員

累積瀏覽 38846

全部攻略 141

全部回應 5