0

2015 北海道8天遊 (day 1 & 2)

tansy 於 2015-08-25 00:00:00 發表  |  累積瀏覽 804

分類:
遊記~ 我來也~ 對上一次寫blog已經大半年前~ 仲要唔係寫自己野~ 睇返... 我人生好似無乜樂趣咁... 好悶啊...!!! 唔得~~~~~~ 要提起勁~ 完成佢~     呢個trip原本訂o係7月頭~ 但因為屋企有事發生, 所以要改期~ 我地買o既係cx o既business class~ 今次係真金白銀買ga~ 有諗過用miles redeem~ 但因為暑假旺季, 我地又無預早plan定, 一定換唔到... 所以直接買, 豪一豪佢算吧~ 8月飛有8月o既意義~ 咁啱就係拍拖10週年o既日子~ 當慶祝~ 多謝訊訊~ 成日都比我做我想做o既野~ 有佢支持好緊要~ 有夫如此~ 的確幾生修道~^^! 我父母成日都話訊訊就得我太緊要, 咩都話好, 咩都無所謂~ haha~ 就係因為訊訊對我好, 所以我先可以咁free做我想做o既野~ 其實我真係好幸福~   改咗期, 幾驚cx話要waiting list~ 最怕要去機場等... 個心會十五十六咁... 好改期即時confirm來回都有位~ 咁就可以安心plan行程~ 時間決定得較急~ 但唔緊要~ 最緊要有位~ hee~~  

由香港飛北海道o既航程需時5粒鐘~ 今次第2次飛北海道感覺依然新鮮~ 對上一次飛係2013年尾冬天, 白雪濛濛咁~ 同夏天好唔同~ 有朋友話北海道四季分明~ 所以值得一去再去~ 計我話~ 日本咩地方都值得一去再去~ wakakaka~~~        朝早9點35機~ 未食早餐, 所以先入lounge食小小野~ 好想影下lounge o既環境比大家睇~ 不過朝早時間較為多人~ d座位基本9成9 full~~~ 所以拎咗野食, 食完再坐一陣就準備boarding la~~~~    

  訊訊問... 點解好似成日有得坐business class...? 我印象... free upgrade都試過3次~ 可能係marco polo club...? (大把人係佢地o既member la~ 我呢d small potato算得上d咩呢~?)  定係咩原因呢...? 識個地勤朋友, 聽佢話, 成日都有客o係counter check in時, 主動問有無得free upgrade~ 仲要要求多多~ haha~~ 香港人放鬆d la~~ 哈哈~~ 澄清, 呢d野我係唔會做ga~ ! 自己都係做零售業, 如果遇到d咁麻煩客, 其實係會更加反感~ 所以, 我地都真係好好彩~ 成日都有free upgrade~ 當然, 最多都係用miles去redeem + upgrade la~     飛機餐~ 先係生果~ 仲有唔同o既面包~


    再唻有唔同種類o既粟米片 + 乳酪~





    其實... 早餐姐... 點解仲有個飯呢...? 雖然我都全部同佢食清光~ 因為真係好好味~ haha~ 不過食完之後... 太飽瞓唔落...


  hea下~ 無睇任何娛樂節目... 因為一心瞓覺~~~ 但偏偏瞓唔著... 呢種感覺係最慘~~   搭到中途~ 發生咗件事~ 話說cx upgrade咗個婆婆上business class~ 但其實婆婆同行有4-5個人 (其餘人坐返econ) , 包括一個6-7歲o既國內小朋友~ (全部都係講普通話) 之後... 因為business class有1-2個吉位, 婆婆就唔聲唔聲o係送餐後, 帶佢o既孫仔上唻坐~ 其實我個人感受, 覺得無乜野, 始終係老人家+孫仔~ 何況老人家寵愛孫仔係人之常情~ 不過...問題係... 個小朋友好似過度活躍咁... 嘈到不得之了... 嘈都唔緊要, 仲要o係前面跑唻跑去... 當咗係遊樂場咁... (咁就令我諗起個地勤朋友話通常upgrade都唔係upgrade小朋友... 係有原因ga...) 之後, 附近o既乘客都開始頂唔緊... 開始有投訴, 終於空姐出聲, 叫小朋友返返去原本econ個位到坐~ 個小朋友發皮四唔肯~ (其實都幾搞笑~ 個婆婆更加無出聲... 可能諗下可以一齊upgrade~) 搞唔掂個小朋友, 無可能強行抱佢走ga ma~ 唯有叫小朋友o既媽咪出唻帶走佢... 當然, 最終係帶返個小朋友走~ 但前前後後都搞嘈咗成粒鐘...  


  香港機場慣性delay~ 其實都唔閞cx事~ 特別係暑假, 朝早呢d時間, 因為太多航班排住飛~ 所以我地架機都delay咗差唔多45分鐘~ 不過.... 唔知大家有無發覺~ 就好似原本要飛5個鐘咁, 如果佢delay咗, 其實o係飛行途中, 佢都會加快飛返~ 就好似我地原本係5:20 land~ 但delay咗45分鐘, 其實最終landing time都只係5:40左右~ 唔係遲太多~ 咁樣感覺o係咪會舒服d呢~^^~

著住新衫去旅行特別開心~~
所以... 我終於明白~ 點解好多客去旅行前都刻意買新衫la~~ haha~~~
有同感~~~ 去玩想影靚相lor~~~~~
 


  o係新千歲空港搭返JR出札幌~ 37分鐘~ 1070Yen/人~ 預返約15分鐘就有一班車~ 其實好快到市區~~~


    對上一次住richmond hotel~ 今次都係揀佢~ 因為地點位置方便~ 距離JR站5分鐘~ 狸小路10分鐘~ 薄野15分鐘~


  返酒店放底d, 再出發, 都已經係6點la~~ 好彩仲係夏天, 日照時間較長~ 好似話朝早4點幾就天光la~~~~


  咁啱呢日夏祭有活動~ 見d小朋友都好開心~^^~ 由大人帶住跳舞~~~





呢種夏祭, 我同訊訊都係第一次撞過~~





    之後就行去狸小路行下街~~  

  13年年尾唻, 事隔一年半~ d鋪頭都有d唔同咗~    就好似呢間貓頭鷹主題o既商店咁~
我地初時以為佢地放咗幾隻假貓頭鷹做佈置~
點知... 睇睇下... 係真ga~^^~ 會郁ga~~~~~
so cute ar~~~~


佢地係賣人形燒ga^^~


    行行買買~ 影下相咁~ 訊訊話好耐都未試過la~^^~ 好hea咁行下街~ 好幸福ar!!!!


  雪糕好好味~ 唻到北海道~ 差唔多每一日都食1支甜筒~~
 


  行到咁上下~ 大部份鋪都係收8-9點~ 之後就去食成吉思汗羊肉燒~ 其實... 我本身係唔食羊ga.... 但旅遊書講到點好點好... 就去睇下... 點知排長龍~ 加上我地2個都好肚餓~ 就轉場食燒肉~~


    唔記得咗呢個係咩shopping mall呢~ 有個大大摩天輪~~ 靚ar!!!


    最終揀咗o係薄野o既炭炭~ 不過好失望啊....


  招牌寫住好多A5 o既和牛~ 但我想講.... 入去order... waiter話呢樣無... 果樣無... 我知係平... (因為平均一碟肉都只係3百幾至6百幾yen~) 一心入唻食和牛... 你話呢樣賣晒, 果樣又無晒... 咁點姐....


  最終點咗basic果d... 味道同牛角差唔多~~~ 有d仲差過牛角... 一.一"








訊訊排o既哈哈笑~~^^~~


  埋單好似大約hk$300左右~ 其實唔算貴~ 但同時無咩特別lor~~~


      原本我地諗住返酒店hea下, 之後再出發食拉面... 點知... 所謂hea下... 就係我同訊訊瞓到不醒人事... 仲要係... 涼又未沖... 衫都無換... 就咁瞓屎咗~~~ 直至第二朝~~~ hahahahahahaha~~~ 好耐未試過10點上床瞓, 瞓到第2朝9點~~~~ 雖然好污糟~ 但係個感覺超爽皮~~~~    

  我地mimi 摸摸咁~ 11點先出發~ 好多人都話o係日本day time o既時間, 係最最最緊要ga~ 但我地拖慢晒~ 無緊要la^^~ 咁樣先夠relax麻~~~     朝早去食拉面~ 好邪啊~~我地跟旅遊書介紹, 去搵2間拉面~ 其中一間"空"搬咗~ 另一間又休息... 哈哈~ 迫於無奈, 求其揀一間拉面店食~~~ 

呢間叫"瑞"o既拉面店o係狸小路4街 (如果無記錯) 出名o既係自家味噌~


當做早餐唻講啱好~ 因為份量唔算多~~~


濃味夠~ 都好味~ 大約850-1050yen/碗~


    yeah~~~ 之後可以行街la~ plan咗第2日o既行程係o係札幌市內行街街~~ 我主力想睇下家品野~ 訊訊就衫褲鞋~  


    o係franc franc買咗好多野... 樣樣野都好靚~~ 不過可惜無退稅~     可以stand o既rice spoon~~~ 好可愛~~~~


  我買咗最大果隻大兔~~ 仲大隻過mic mic~^^~ 不過依家未諗到放o係邊~ haha~~ 放咗o係屋企某一個角落到~ 點算~~~?


    之後見到rimowa o既喼... 平過香港幾百蚊~ 好掙扎... 最終買咗最大size o既啞黑色~ 無買銀色鋁, 因為一唻太貴之餘~ 其二, 唔想比人target咗偷喼or爆你喼OR粗暴對待~~


      不停行行行~ 又去咗bic camera到買吸塵機~ 主力想買吸塵蜽o既機~ 日本超hit~ 仲有比較~~ 例如吸o既轉數, 有無UV燈, 咩w數等~ 




  朋友仔介紹我地呢部~ 見到有~ 但日本買仲貴過香港水貨鋪....


  之後, 就轉睇dyson 吸塵機~ 日本買有樣好~ 香港的dyson, 要左配右配~ 但呢到已經係full set咁比你~ 一口價全包~ 除咗有座牆掛架+叉頭~ 最緊要... 佢係包個吸塵襔o既吸頭~ 唔駛左配右配~~~~~


    tax free之餘~ 用銀聯仲有extra 5% off~~ 最後計返hk$3200~ 好抵~^^~


  不過當然, 返香港要轉插or配返火牛~~~





  P.S. 因為我同訊訊都有鼻敏感~ 轉天氣特別嚴重~ 要知道香港天氣幾咁差... 再加上只係3-4個月先換一次床單, 所以吸塵襔對我地唻講係絕對有效改善鼻敏感+睡眠質素~         其實真係無買錯喼... 雖然我無買衫~ 但係買埋好多家品... 樣樣都大大舊.... 最終係3隻喼先勉強裝到晒~~~


      見到abc mart有好靚 lavender color o既nb~ 但無入手~ 因為本身已經好多波鞋... (仲要好多係入手後著2-3次就無著... 貪新厭舊就係女人專利~ ha~~) 訊訊叫我買... 但我最終忍手... 原本都有諗過post上fb做代購~ 但... 因為打後果幾日都要唔o係札幌, 怕買唔到~ 再加上, 呢個trip想hea下~ 把心一橫~ 唔出post lu~~   我印象唔貴ga~~ 計返hk$4xx左右~~~ 好抵買ga~~!!


      行得耐~ 同訊訊坐低飲杯野~ 低b訊訊話超有拍拖o既sweet sweet感覺~ haha~ 其實我都覺  >.< o係香港只係做做做... 行街...? 行超市就已經當係行街la~~ 好慘ga~ so boring~  


我地幾耐無行下街飲下野... 我諗唔到對上一次係幾時... 一.一"


d雪糕加落去抺茶到好好味~~ 呢間係nana's  cafe 好出名~ 好似都有好幾間分店~ 專飲抺茶ga~~~


       
   再行多陣~ 差唔多夠8點幾~ 就可以坐低食晚飯la~^^~
我愛湯咖哩~


  呢間係JR TOWER stellar place 6樓o既soup curry~ 連訊訊都愛~ 其實訊訊唔好湯咖哩ga~ 但呢到d湯咖哩可以食到渣都無~ 湯都飲清光~ 你就知道好好味~^^~


 
 


  我點咗大辣o既雞腿~


  訊訊就叫咗小辣o既豚肉~~ (入口即化果種~)  小辣其實唔辣~~ 我個大辣就好似中辣咁~
如果講辣度, 佢唔夠~ 但就好香~^^~ 回味啊~

我地每人都叫咗set~  1380yen / head ~
包野飲+甜品~


  佢地只有2個甜品~ 但2個都超好味~^^~ 如果散叫甜品都唔貴ga~ 400yen / 款~

  每人盛惠hk$87~ 大大大大大大大滿足~^^~


        抖返2個鐘~ 我地去返狸小路行街~ 9成鋪收晒~ 但even夜一夜~ 都好彩有間"激安之殿堂"o係狸小路入面頂住~ 24小時營業~ 樓高約8層~ 有排你行~~~   就o係呢到搵到得返7包butter honey薯片~ 計返hk$6.1~ 其實味道同韓版有小小差別~ 但都好好味ar~^^~ 何況$6.... 你想點.......


    我地o係呢到又見到部吸塵襔機~ 比bic camera平20%~ 呢部野真係好hit ga~~~ 有鼻敏感o既朋友可以考慮下~~~ 超實用~~


      訊訊o係激安之殿堂到買咗車o既淨化機~ o係hk約$900~ 呢到計返hk$4xx~ 平成半~~~~ 佢話唔買對唔住自己~~~~




    買下買下... 又買咗好多無謂野~ day 2 almost完結la~ 但... 完美o既ending要配返碗拉面先~ 我地最終好似行到零晨 1點幾~ 見一風堂仲開~ 就食佢la~~~


 


<- 當時已經無乜客lu~   拉面好味~^^~





    個炒飯都好好味~ 其實我覺得炒飯仲好味過拉面~~ hahaha~~~


    大食漬~ 之後買咗件cake返酒店又食過~~~  好似hk$12左右~ 但d cream超light超滑超好味~ o係邊到買~? 7-11買~^^~北海道限定~~~


  yeah~~~~ 超full超滿足~~~  


============================================

感謝tansy 提供以上資料

tansy的網誌: http://tansycheung.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

見習探險員

累積瀏覽 38847

全部攻略 141

全部回應 5