0

第一次自駕遊 ~ 沖繩 DAY 2

tansy 於 2013-11-06 00:00:00 發表  |  累積瀏覽 390

分類:
原意... 呢個OKINAWA 5 DAYS TRIP可以PLAN得好好好好悠閒~ 點知... 唔知點搞... 時間好似唔多見洗... 成個TRIP感覺都趕趕地... 唔通5日唔夠~? 又唔係AR~ 5日我覺得足夠玩得晒D野WOR~~~~      
好多BLOG友仔都催我快快出POST~ HAHAHAHA~~~~ 我知~~ 因為有成4個BLOG友仔係11月出發沖繩~ 其中3個係睇我個平機票篇POST而成功訂到超平價機票~ 真係再講多次~ TANSY真係好醒AR~~~~ WAKAKAKAKAKA~~~     唻到第二日~ 酒店望出去o既景色~ 十分靚~ 呢一日天晴~ 天空無乜雲~ 朝早氣溫大約22-23度左右la~ 十分舒服~~~~    

    準備出發la~ 第二日o既行程開始~^^~  

  聽咗blog友仔介紹~ 去咗泊市場食魚生飯~ 即係咁... 如果大家想食海鮮... (除非真係想食龍蝦...) 如果唔係泊市場真係可以滿足到大家~ 而且價錢仲係平平平到笑tim~~~~ GPS TEL:098 868 1096  


(唔知做乜事... 呢張相又放到咁大.... 但其他果d又放唔到.... 有無人可以話我知...?)  

    由那霸渣車去泊市場大約十分鐘左右~ OR 再短D~ 好再呢到可以FREE PARKING~ 泊市場門外就係泊車位~ 方便到不得了~     眼見泊市場有2排~ 一檔檔乾淨企理~
真係平到你笑~
部份魚生1000yen有3盒~


  

壽司500yen有一盒~  (閒閒地有8件)    
我地o既target就係呢間食魚生飯o既鋪頭~ 




      不過... 有問題... 店員話... 佢地部售票機只接受1000yen or 以下o既面值... 但我地身上無1000yen... 得1萬yen... 佢又話無得兌~ 咁我地唯有話出去買d野食la~ 點知佢就話, 外來o既食物如果想o係佢到堂食, 要另外買 1 set 白飯+湯 (350yen) 先可以~ (仲要自行清走垃圾) er.... ok... 唯有咁la.... 鬼叫想食好野, 但又無散錢咩....


所以~ 我地o係出面行咗個圈~ 要夾到佢o既白飯+湯... 咁最好就係買刺生~ 咁可以做魚生飯麻~ 但問題係, 呢間鋪本身就係食魚生飯~ 如果要買, 就要買d佢無o既~   海膽就係最好選擇~^^~ 不過唔平ar~~ 2800yen~ 但... 北海道直送~ 唔似香港好多時都係食緊加拿大海膽~~~ 真係... 正好多~~~~~  

    坐定定等食~^^~  

      唻la唻la~~~~


    blog友仔推介一定要食拖羅~ 咁就叫最貴果隻~ 2000yen~ 即係大約hk$160~ 值ga!!! 真係值ga!!!   睇到d拖羅嗎~???
真係入口即溶~!!!!! 不得了...... >.<"

      而我地另外買o既海膽就加上落d白飯到~~~ 其實一板海膽可以送2碗飯~ 絕對足夠~ 真係... o係hk食唔到呢.... even我o係之後果幾日, 都仲掛念緊海膽o既鮮甜味................  


    食完之後~ 自己清理返d垃圾~~ yummy yummy~~~~



  之後食完個早餐呢~ yes~ 呢個係早餐~ wakakaka~~~
就出發去樂天超市~
GPS TEL:098 941 1188
原本呢個超市係PLAN咗第一晚去GA~
因為佢係24小時ga~ 去到幾夜都無問題...
但... 因為酒店泊車位最遲要11pm就要泊好架車~ (無得再出車)
咁... 夜媽媽行超市呢個活動就取消咗~~~~



  呢個樂天超市好大~
附近仲有無印, uniqlo等其他stores~
仲有好多香港人都愛行o既100yen店~~
面積都幾大ga~~~~
   







    就係咁, 行下uniqlo, 再行埋無印, 都行咗2-3粒鐘la~~~~ 特別要講下~ 去到日本記得買uniqlo o既heatec底衫~ 真係平好多ar~ 大約係香港o既6-7折ar~~~~~


P.S. 個天開始多雲.......



就係樂天超市隔離有間老字號食沖繩料理o既食店~
沖繩有2間分店~ 開鋪36年~
我地揀咗呢到食lunch~~~


 


價錢太眾代~ 一丁點都唔貴~
大部份set都只係6xx~7xx yen~
好抵ar~~  


    因為眼見佢份量都唔細~ 所以決定2個人叫一個set share~~


    有出晒名o既沖繩苦瓜炒蛋~ 加沖繩拉面~~


  即係咁... 麻麻地苦瓜o既我同訊訊, 都覺得沖繩苦瓜好好味~~~~!! 沖繩拉面夠清香, 有特色~^^~ 埋單850yen搞掂~~~~


          因為o係超市+uniqlo+無印買咗d野, 想放返酒店; 再加上, 第一晚o係國際通行得未夠盡興~ 所以, 決定返去國際通到再行過~^^~    





        行到咁上下~ 又轉場~ naha main place~ 可以話係沖繩最o大既shopping mall~ 但其實呢... 感覺都係有點舊... haha~ 其實最多野行就係地下一樓~ 有lowrys farm, nice claup, eme 等牌子~


    點解行呢個商場~ 因為約咗kiki食dinner~ 佢地係我o既中學同學~ kiki仲係我結婚時o既伴娘~ 遲我地一日唻到沖繩~ 要聚一聚頭~^^~   揀咗o係naha main place o既和風亭~ 好似和風亭o係沖繩都有2-3間分店ga~~~   真係食得過~  食物質素ok~ 同埋每份餐大約9xx yen 至 13xx yen~ 但係勁大份~ 所以... 我地4個人點咗3 sets~ 已經好足夠~     個燒牛肉定食好味~




吉列豬扒都正ar~~ 好鬆軟o既內層~ 個皮又脆卜卜ga~~~

    仲有個天婦羅+冷面set~ 眼見一個set大約1000yen~ 但幾多隻碗~ 幾多樣野~ 所以真係好抵~


    haha~ 終於有人幫我地影相~ 唔駛自拍la~~


    呢餐仲係kiki請ga~^^~ 多謝晒~~~~

        之後, 就車咗佢地返國際通~ 佢地行街街~~~ 不過唔好彩... 第二晚落雨... 雨勢仲愈落愈大.... >.<"     oh yes~~~ 唻沖繩o既朋友記得一定要食鹽味雪糕~ 好味到暈~~~


  話說我同訊訊原本諗住2個人share一杯~ 點知.... 唔夠分~ 一人食一杯~~~~     仲可以落唔同味道o既鹽落雪糕到調味~~~


        第二日o既收穫~ 其實... 仲有小部份影唔晒.... 因為真係o係超市買咗好多野食.... >.<"


                    後記~ 租車事宜 & 注意事項: 當然~ 我想講o既係除咗安全守則以外o既野~   1. 泊車~ 其實沖繩絕大地方都可以free parking~ 但留意國際通係無ga~ 所以我地頭2日架車係泊o係酒店指定o既停車場~ 收費比街o既停車場平~ 我諗每間酒店都差唔多咁上下, 我地就收費1000yen/晚~   2. 入油~ 親身試過~ o係那霸/南部o既入油站比郊區/恩納/名護貴10%~ 點解會試過~? kiki話比我地知, 事關佢同事無幾耐之前都係自駕遊沖繩~ 唔清楚係油公司o既價格有唔同, 定係地區有分別...? 但我地今次2邊都有入油~ 南部&名護, 名護的確係平10%~ 記得入油可以o係北部/名謢入咗先~~   3. GPS~ gps其實有點蠢~ 你可以話佢smart~ 佢會lead住你行... 但... 人o既腦會轉, GPS個腦係唔會轉~ 因為有一日上HIGHWAY有條分叉線, 佢無特別講係靠右 OR 靠左~ 我地靠咗左, 點知, 原來係要靠右~ 但架車已經上咗HIGHWAY, 無得調頭, 所以唯有o係下個收費站出返先決定調頭~ 仲有件事, 明明個目的地就o係左手邊隔離街, 只要轉行前一個街口轉左就ok (大約只係行多600m), 唔知點解佢會叫你轉右, 再唔知點行, 足足要行多1km~ 所以... o係路口位可以渣變小小, 睇定d先行~   4. 還車事宜~ 基本上入返滿油, 無撞花損毀, 就ok~ 還車大約10mins就ok ~ OTS仲會車返我地入機場tim~~~     好la~^^~ 打到呢到~ 休息一下~ 下篇見~~


============================================

感謝tansy 提供以上資料

tansy的網誌: http://tansycheung.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

見習探險員

累積瀏覽 38857

全部攻略 141

全部回應 5