老友同我地報咗一個「陽西維納斯皇家温泉酒店」兩天團，見得閒冇乜野要做，咁就同佢地去玩兩日喇！
28-11-2015 (星期六) 第一日
晨咁早六點喺巴士站等齊人就上車過海，喺紅磡轉乘東鉄往落馬洲過去深圳福田集合出發。
首先去深圳灣接埋Ｄ團友就往目的地陽西進發。
今次又係同以往一樣由前海上沿江高速，避開店虎門大橋嘅慣性塞車。
好快到咗開平食中午飯。
食過午飯就去赤崁行吓，呢度都黎過好多次喇。
果皮當造，週圍都見有人曬緊果皮。
冇黎幾個月，呢度變成一個市集，多咗好多攤檔。
賣嘅都係當地特產。
南安臘鴨。
Ｄ女人梗係唔會放過選購嘅機會。
逛完赤崁就上番車繼續往目的地。
經兩個多小時車程就到咗我地呢次嘅目的地「陽西」維納斯皇家温泉酒店。
呢間酒店新開張冇幾奈，佢嘅大堂都幾大吓架。
喺大堂等攞房間。
今次住喺十樓，房間都唔錯，舒適乾剩，觀景開揚。
見未到食晚飯時間，就同Ｄ老友都隔離商場嘅超市逛吓。
逛到夠鐘食晚飯時間就番酒店，今餐係喺酒店內嘅中式自助餐，把鬼，冇乜野食，所以都費事影。
食飽休息咗陣就去酒店內嘅温泉嘆吓，我地浸咗個幾鐘就各自回房休息；浸完温泉成個人舒服哂好想瞓覺，咁就嘆埋杯奶茶就覺覺豬喇！
29-11-2015 (星期日）第二日
早上瞓到自然醒，落餐廳食埋個早餐，執好行理交埋房，喺11點就上車回程喇！
好快就到咗呢度食中午飯。
詁唔到陽江十八子本來係賣刀嘅，依家做埋酒店添喎～
呢個廣告好得意，嗒落有味！
食過午飯就去佢嘅專賣店逛吓。
陽江十八子Ｄ野都貴咗好多，兩年前喺佢度賣咗把斬骨刀，當時係賣98蚊人仔，依家要賣208蚊。
離開陽江十八子就上車繼續行程。
到最尾呢個景點，又係黎咗好多次嘅叱石公園，又係多咗好多攤檔。
呢隻小狗幾得意！
各人又買咗Ｄ特產就上番車直回深圳。
喺麻涌服務區停車比我地小休。
一部卡車載住廿一架環保電動車，唔知運去邊度呢！
喺服務區休息咗一陣就上車直往深圳福田，我地過埋深‧圳海關，乘車番到屋企都係九點幾。
感謝 白果魚神 提供以上資料
白果魚神的網誌: http://a991952.blogspot.hk/
