相隔兩年,終於再來個泡菜國之旅..
是次一行 4人,同樣是零晨機出發,到達當地大約是清晏 5點多..
坐機場巴士到位於明洞的酒店放下行李..
因為要下午 2點先可以 CHECK IN,所以先到東大門 SPAREX 汗蒸幕..
晚上 8點前都係 7,000WON一位,非常便宜...
付款後先取有號碼的 KEY及衣服毛巾,脫下鞋子放好..
再到更衣室脫光光沖涼浸浴,坐O左幾個鐘機浸下熱水真係好舒服..
換上衣物同毛巾就可以出去啦,先醫肚叫O左米露同薰蛋..
甜甜地幾好飲,但 1/3都係冰,蛋就無咩特別..
瞓到下午 1點幾再到附近食陳玉華一隻雞..
以前食過一次,再食都係咁好味,但今次被安排坐地下,腳有D痺...
行O左陣街,只買O左少少野就返酒店 CHECK IN啦..
明洞 LOISIR 酒店今年先開,位於明洞站 5 (正門)及6號(後門)出口..
RECEPTION位於3樓,設有自助儲物可任意使用,每次最多可放 8小時,好方便..
雙人房夠大,裝修好新,浴室有浴缸及坐廁自動清洗系統..
雪櫃、熱水壺都有,每日打掃仲會補替 2樽水添..
而窗口是向大街,陽光充足..
休息一陣,又到晚飯時間,唔想周圍走,所以食明洞姜虎東烤肉店..
炭火烤基本上一定好吃,O係韓國最鐘意生菜、沙律、前菜、蛋都係任意 REFILL..
明明食到好飽,仲去食蜜瓜芝士同朱古力刨冰..
相比下前者好食好多,粒粒芝士勁好味,最後一日走前都有再 ENCORE..
食到好飽再到 OLIVE YOUNG買MASK(好多買一送一)..
仲有幫朋友買既產品同手信..
第二日早餐都未食,就到新沙食 PRO醬油蟹做 BRUNCH..
成幢都係 PRO仲有咁大個 LOGO,好易搵...
我地叫O左 2個蟹 SET,每 SET$55,000 WON..
每人有 1隻蟹,超爆膏都幾大隻,加 D熱辣辣既白飯入蟹蓋食一流..
肉都好鮮甜,不過一人1隻真係好夠,再食就會有 D漏啦..
下午到首爾高速巴士客運站掃貨..
因為韓國已經得 AROUND 10度,所以賣厚衫比較多...
地方好大,由衫褲鞋襪到家品、童裝、雜貨咩都有,要行晒最少要 3-4小時..
價錢真係好平,冷衫 5,000-10,000WON已經有,襪 $10,000WON/11對..
我仲買O左件長大褸,都係 $45,000WON,料靓 CUTTING好,仲有得試著添..
如果唔係無手拎,我應該會繼續買...
晚飯O係明洞食炸雞啤酒..
原味、醬料、醬油,我地 4個人食O左4份,HAHA...
當日好多店既面膜都做買一送一或特價,所以大手入貸...
下回再介紹埋其餘既 3日^^
