正式做人妻

28.11.2015

其實小地勤係 10 月 8 日已經註冊結婚 , 當日簡簡單單係會所訂左間房食飯 , 斟茶 , 之後就飛左去北海道玩 .

而 11 月 28 日 , 小地勤既老爺奶奶就擺左 10 圍慶祝 , 坦白講小地勤老公有好爸媽 , 照顧周到 , 我地兩公婆似賓客多一點 , 就只係人到 , 好似咩都無準備咁 .

因為小地勤一直以為簡單食個飯 , 結果多得幾位親朋好友幫忙 , 令依個飯宴好有正式婚宴既感覺 .

門口唔知幾時講下講下多左張台比人簽名 , 我奶奶仲買左本心心簽名簿 , 筆以及放左小食係門口位 , 而小地勤當時咩都唔知 , 連張台佈置到如何都係唔知 . 都係事後聽朋友講返 , 而個接待小姐係由我叔仔老婆負責 .

其實我有準備左個自製相架 , 但卻忘了帶過去 , 哈哈 ...

我老爺仲自備紅酒比親友飲 , 結果大家都唔多好酒 , 剩下一大箱 .

我沒有比錢人幫化妝及影相 , 都係好友們幫忙 , 禮服亦係奶奶陪我去買的 . 10 圍酒席都是我老爺負責的 , 我地兩公婆主張旅遊結婚 , 但長輩們最後仍是想唔大攪地食飯 . Panda 酒店 30 樓 , 環境都不錯 .

沒有播片 , 沒有 MC , 全程由我叔仔幫忙 , 講左幾句 , 之後輪住斟茶比返所有長輩 , 同親朋影相 , 奶奶 R 到一個大既 Cake , 簡單地寫上我地兩個名 , 兩公婆交換酒杯對飲 , 切蛋糕再影相 , 就開始食十二道菜 .

酒店有職員帶住我地去敬酒以及跟每圍台影相 . 敬酒前我再換多條裙 . 小地勤從沒想過有金器收 , 雖不及中國新娘咁夠金光燦爛 , 但都算很不錯 , 起碼都叫 " 有 " . 臨走前 , 我都有同我位小學同學影返張曬金相 , 佢笑話我無啦啦當日先叫佢幫忙跟出跟入 , 比佢有機會做左一次實習伴娘 .

我的婚禮可能不及別人豪華 , 沒有專業的攝影師及化妝師 , 連姐妹伴娘也沒有 . 婚前亦沒有收到求婚介指或什麼 " 愛的宣言 " . 不過自己高興就可以了 , 其實簡單一點也可以留下美好回憶 , 那一晚 , 我好開心 , 覺得自己比上不足比下有餘 , 真的很幸福 .