11月29日星期日
今日媽媽啲好朋友由香港區..............山長水遠入嚟元朗約咗我哋食 lunch , 然後一齊行大棠睇紅葉 , 最大目的當然係見我啦 , 哈哈.............唔講咁多住.............去相呢~!!
好客嘅我哋 , 一早就嚟到呢間 cafe 攞位 , 等哥哥姐姐嚟到就有位坐~!!
食飽飽泊好車 , 由於都幾多人嘅關係 , 我哋揀咗行教育徑 , 唔駛同人迫~!!
預備起程 , 有人叫住我嗰名
原來係一位好錫我嘅姐姐 , 難得撞到...............同佢影返張相留念~!!
影完相 , 同姐姐 say bye bye , 開始上山喇~!!!!!!!!
今日天氣都有啲熱
沿途欣賞吓花花
有樹蔭嘅關係 , 我行得好寫意~!!
呢位哥哥好錫我架 , 同佢影返張合照先~!!
我同媽媽孖住行
去到紅葉位喇 , 啲紅葉仲未變色 , 有啲失望呢~!!
揾到呢棵算最紅~!!
等我企高啲同啲紅葉影返張相留念
當然唔少得同媽媽啲好友影大合照啦~!!
我身後全部都係未變色嘅楓樹
只有一棵開始變色 , 可能同天氣熱有關
咁優美嘅環境 , 坐低慢慢欣賞一吓~!!
行返落山已經五點半鐘 , 大家咁遠入到嚟 , 當然要食埋 dinner 先走 , 媽媽精心挑選咗一間德國餐廰比大家 , 去到洪水橋已經六點幾 , 好彩早到無訂枱都有位呢~!! 以下所有相都係用手機影 , 可能無咁靚 , 多多體諒呢~!!
呢間餐廰好 welcome 狗狗架 , 唔該我想叫嘢食?
頭盤
海鮮意粉
芝士煙肉焗法式生蠔
一定要食嘅招牌德國豬手
仲有呢個豬肋排
加埋德國啤酒 , 又有 Live band 演奏 , 一路聽歌一路食嘢
氣氛好到不得了 , 大家都玩得好盡興 , 咁就過咗一個開心嘅星期日 , 期待下次又見面呢~!!
============================================
感謝 圓咕碌 提供以上資料
圓咕碌的網誌: http://yuenkolok.blogspot.hk/
============================================
大棠郊野公園
G-fit
北潭涌郊遊徑
菠蘿園
菠蘿園
石澳郊野公園
完善公園
大埔海濱公園