0

晚餐@Ilis~

helenhlblog 於 2015-12-08 00:00:00 發表  |  累積瀏覽 538

分類:
是日有事去尖沙咀, 晚餐就同老公在附近解決~ 老公話山林道好多餐廳, 果然一小條街, 幾乎間間都係食店, 仲未計樓上店~ 或許這日是平日, 人不算多, 相信周末一定好多人來這裡覓食~

想了一輪, 決定試吓這間西日式餐廳~ 剛巧不用等位, 2人都可以坐4人枱~

話明係西日式餐廳, 於是既有日式套餐, 也有西式食物同意粉~ 老公就決定試吓日菜, 而我就試意粉~ 套餐是不包飲品, 不想另叫就可以飲水~ 侍應 (定係老闆娘呢?) 見到我的大肚子, 特地問我要不要將凍水換成暖水, 很細心~


老公叫了一個吉烈豬扒御膳~ 最初以為都係就咁一碟豬扒一碗飯, 原來這裡較有心思, 提供芝麻及點吉烈炸物的醬汁~ 豬扒和沙律菜都放在架上, 比較貼近日本正宗食法, 唔錯~ 豬扒炸得很脆, 肉質夠淋亦有肉味, 整得幾好~ 如果可以大塊一點多幾舊就更抵食~ 見到鄰枱叫的吉烈海鮮定食都幾好, 證明這裡的定食有一定水準~ 湯同配菜都合格啦~



自己的意粉未到, 先飲湯同食多士~ 南瓜湯味道ok, 都幾濃南瓜味~ 多士都脆口, 可是只有一小片牛油, 牛油味道不夠, 令到多士不太好味…


我叫的是肉醬焗大貝殼麵~ menu寫肉醬是自家製, 的確肉醬的味道很好, 很多肉、醬同芝士, 鹹鹹香香很惹味~ 不過最初以為肉醬是釀入貝殼粉中, 不過原來只是貝殼粉在底, 肉醬舖面, 可能要將肉醬釀入去貝殼粉的功夫太多, 店子不做, 不過個人覺得如果每粒貝殼粉內都有少少肉醬, 應該會更好食~ 因為這些貝殼粉比平時吃的大粒好多, 應該可以用來釀材料 (以前見過更大的呀)~ 現在吃的時候, 感覺就是貝殼粉同肉醬分開食咁, 唯有自己花點功夫, 將肉醬同粉撈埋一齊…如果早知係咁, 可能寧願這份是肉醬闊麵, 或者寧願叫過另一款意粉試吓~ 不過其實水準都唔錯的~

埋單2百元多一點, 不用加一其實都ok, 不過看到午市的套餐看來更抵, 可能下次再來可以試吓午市~

http://www.openrice.com/zh/hongkong/restaurant/%E5%B0%96%E6%B2%99%E5%92%80-ilis/452056?tc=sr1


============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:

累積瀏覽 300835

全部攻略 333

全部回應 39