8 車.....蠔....

新開不久的酒家, 普通過普通, 坐低聽到隔離檯講, 原來是山林道高流灣老闆開的店... 高流灣定價不便宜, 但水準平均, 次次滿意, 今晚應該放心了. 加上還有我偶像李錦聯...... 如果搵埋安德尊....就good喇...哈哈.. 

湯底選擇不多, 特色湯底也只有兩款: "枱面魚"和"膏蟹海鮮湯", 如果做得好, 兩款便可打天下....

友人選的: 膏蟹海鮮湯, 並非如市面一般火鍋店, 只放兩隻細蟹了事, 而是一隻差不多有兩斤重的膏蟹, 蟹鉗也寧捨大隻, 部長教學, 先飲湯, 後打邊爐, 湯是鮮魚煮成, 絕不加味精, 我對味精不太敏感, 各位武林高手要來試一試了...

本地野生車蠔, 本地貨, 西貢入貨, 未見其他酒家有售, 車蠔是生長在約三米水深的石罅, 是全人手採出, 十足是韓國海女潛入海底捕海產一樣. 車蠔不是蠔.... 其實即是帶子, 外表似石頭, 殼表面生滿棘刺, 肉粒質地呈橙色, 與帶子一模一樣, 味道也不大分別, 只是質感更為厚實, 鮮甜十足.

此店的海鮮, 全是本地貨, 應真是本土為先, 新鮮青口, 市面甚少見到的打邊爐配料, 千萬不要灼太耐, 大火一分鐘, 剛好.... 論質感, 紐西蘭或法國藍青口, 較為肉厚, 但論鮮味, 本地新鮮貨, 一定是最甜. 

招牌墨魚丸, 部長話用大尾魷打成, 大尾魷是甚麼? 未有時間查, 但的確無加豬肉或漿粉, 口感爽和彈牙是常識, 而意想不到的是, 竟然咬到一粒粒的墨魚肉, 鮮味海鮮, 豉油也不需要. 

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================