山寨版薯仔頭先生@Izumi Curry

星期五晚飯時間，屯門VCity真難等位，原先想食和民，但一行6人，等了半小時大檯只叫了一個號碼，還有4個才輪到，大家都很肚餓，唯有轉場到Izumi Curry, 只因不用等位。

 之前跟老公吃過味道不錯,如今再來已改頭換面，以Toy Story的薯仔頭夫婦做主題。門口設有賣相關精品的counter.     席上大多是父母帶同小朋友，或是女生們前來拍照。幸好同行都有小朋友。牆上掛滿薯仔頭的畫，燈罩也換上薯仔頭圖案，餐墊餐具也是其薯仔頭，每檯更有薯仔頭夫婦公仔陪坐，不止小朋友興奮，就連大朋友都很開心。        正常菜單只有幾項選擇，以薯仔頭造型的款式就有很多    吉列雞扒咖哩飯 $75   雞扒很厚身份量很多，肉質頗為腍軟，但食落沒什麼味道，似沒有腌過，也沒有雪藏味。咖哩汁彌補味道上的不足。吉列雞扒表面炸得有點過火，有點乾。雖然咬落鬆化，但香口程度稍微遜色

牛肉配牛肉薯餅咖哩飯 $79      牛肉粒很大粒但很腍身，而且很入味，好吃。反而炸牛肉薯餅炸到有點乾身，跟吉列雞扒表面一樣乾。但入面的餡料就很creamy 好味。

自家製芝士漢堡扒咖哩飯 $99    

芝士份量很多鋪滿整個漢堡扒面，溶化程度可以拉出芝士絲來。漢堡扒都很厚身，有少許肉汁。咖哩汁亦非常多，可以撈飯直至最後。推介！

薯仔頭造型吉列豬扒飯 $129   食物一來到，大家都忍不住大笑，因為淺黃色的薯仔頭先生似中了毒般。用紫菜造的帽，眼眉胡鬚，用蛋白造的眼和嘴，磨菇耳，車厘茄鼻和火腿脚，造型和顏色有點hea,像變了山寨版般搞笑！吉列豬扒跟吉列雞扒一樣，無味且炸得乾。

基本上所有咖哩汁都是同一味道，只是配上不同食材。咖哩辛辣度無得選擇，也沒有其他蔬菜伴碟，就連咖哩最好的拍檔-薯仔也欠奉，顯得有點齋呢！飯的份量偏少，男生們吃罷都不夠飽。

香港以卡通人物做主題的餐廳，如吉蒂貓，超人等，話題，熱潮冷卻後也要退下去。大朋友想要重拾童真，選擇只有寥寥可數。希望食店繼續進步加油。

============================================

感謝JannieWong 提供以上資料

JannieWong的網誌: http://janjancat.blogspot.hk/

============================================