爸爸退左休都差不多多年，今年都夠歲數拎長者咭了，
隨著Whatsapp既發明，雖然面對面講野既時候少左，
但同搬左出去住既哥哥們都會多左文字上既聯繫，
呢日正值父親節，我地就帶爸爸去食好野！
![父親節套餐 - 紅磡的天澄閣中菜廳)]( "父親節套餐 父親節套餐")
一早訂左呢個父親節套餐，有9折優惠，
渣車黎到海韻軒海景酒店，又有免費泊車，
D餸菜份量又足，實在係一個字：抵！
![冰鎮鮑 - 紅磡的天澄閣中菜廳)]( "冰鎮鮑 冰鎮鮑")
清酒冰鎮鮑魚鮑魚原隻去左腸上，
o係d冰度鎮住，入口凍冰冰令鮑魚更爽口呢，
而且有淡淡既清酒味，配埋有微微山葵味既鼓油，絕配
![上湯上龍蝦E面 - 紅磡的天澄閣中菜廳)]( "上湯上龍蝦E面 上湯上龍蝦E面")
上湯龍蝦浸E面呢個龍蝦E面，好足料而且好新鮮，
我地10人，一人都起碼食左最少兩舊！
我覺得個E面有D過稔同埋好似無剪斷，好難夾
杞子圓肉浸菜苗菜苗係白菜仔，大碟都食極都食唔o西！
南瓜布丁D布丁係釀番起個南瓜殼到，
切件連埋瓜皮上，很別繳，
唔會好甜，幾好味架！
其他點心一般正常水準啦！
我哥哥遲D都會在此擺酒，希望佢到時可以做得更好！
============================================
感謝 lucywu 提供以上資料
lucywu 的網誌: http://www.openrice.com/zh/gourmet/reviews.htm?userid=162319&city=hongkong
============================================
