下個月就去台灣啦,今日先黎易牙妙手小試牛刀下,諗住俾自己可以比較下之後台灣既好味!!!
一早電話黎book左位,安排坐左o係最埋面,我地咁嘈,岩o西,唔會嘈住人!
好快之後,就有人送上熱茶及menu,很好
我地4個女仔叫左3個餐(小食+主菜+菜+飲品)同2個小食!
飲品先到,荔枝玉露同珍珠奶茶,簡直O嘴
荔枝玉露,我真係覺得佢地打多左個「玉」字囉,無玉,成杯荔枝水.....
好無奈,我頂唔順,所以我俾多$3叫waiter拎番加d椰果俾我......
因為呢件事,覺得個waiter o係我地叫野飲之前既建議係正確!
佢話珍珠奶茶最好,連咩茱香珍珠都唔好,普通珍珠奶茶就ok!
麻辣牛肉面定食配ma辣豬耳同醉雞片
個面朋友話太辣,我就話唔夠麻同湯唔陪滾,所以無左食辣個隻興奮感,大減分數!
醉雞片好好,清清地有d麻油香,酒味唔重!
麻辣豬耳,唔點醬係無味既,得個爽字。
小食係海帶邊,唔爽唔un,超lum,唔好味.
蒜泥白肉,超失望,蒜泥既份量只得2分,如果10分滿分...
要另外叫個waiter拎d蒜泥黎,但佢俾既分量係另外1分既份量.....
雖然之前大陸d人炒蒜頭遮,洗唔洗唔落蒜呀.......個蒜係靈魂囉,個鼓油實味架因為...
經過蒜泥白肉同荔枝玉露,搞到我覺得佢地好似偷工減料咁名不符實!!!
全部都好入味,不過差碟醋呀!!!
同埋我食左兩舊豆腐,咁岩有一舊入面係酸,yuck
最好最入味係豬大腸!!!
鐵板牛肉上台有小小jaja聲,維持約幾秒....
燒汁味道好,配飯岩,有d瓜同豉,爽爽地,正
鹽酥雞好好味,最正呀,炸得真係酥呀,個d油脂好香,肉又滑,大愛!!!
個個好後生既男仔waiter服務態度好好,有笑容,而且盡量滿足我地客人要求!
============================================
感謝 lucywu 提供以上資料
lucywu 的網誌: http://www.openrice.com/zh/gourmet/reviews.htm?userid=162319&city=hongkong
============================================