繼上一次貓山王榴槤BB之後...
今次山頂XO榴槤BB到訪。
同樣係原個樹上完熟,原個直接抽真空保鮮包裝,急凍處理直送香港。
密封包裝,包住個時係完全無味,送去公司都唔怕俾同事知。
榴槤 BB 果園山頂上種有一批 XO 種老樹,馬來西亞獨有,適逢彭亨洲雨水較多,「山頂 XO」收成質量亦特別好。
我呢個係珍藏版原個樹上完熟「山頂 XO」榴槤 M 果,大約1 ~ 1.5 KG。
味道好似無貓山王咁濃,比較岩一班朋友齊齊Share,聖誕開P後既飯後果?
比起貓山,山頂XO就難開少少,由男友出馬啦。
開左啦!
WOW!!!榴槤飄香~粒粒都好飽滿喎!
不過有一份真係榴槤BB,食少左兩粒添。
果肉呈奶白色,我唔客氣啦:)
味道比一般香港買得到既榴槤黎得濃烈,但就比貓山王淡身,棉棉軟軟好似食雪糕既感覺。
有少少纖維拉下絲,甜中帶少少苦。
一口氣食哂XD
味道就真係唔及貓山王,但冬天有榴槤食都算係咁囉。