向來都覺得旺角這地段, 什麼都會貴少少.
加上自己怕迫, 甚少約朋友周未周日到這區飲茶.
今日就真係2015年首次在旺角飲茶.
全因某一天晚上, 到這大廈的樓上影音器材店, 想看看有無筍貨. 

就在樓下電梯大堂出口, 看到這個餐廳招牌,
點心價格真係好抵.
忍不住拍攝這招牌的照片和朋友分享,
大家都覺得價位OK, 就這様約出來飲茶了. 
當日訓到11點几, 來到旺角己下午12點半, 







門口職員安排了3樓的5人座位,
要坐電梯上去呢!
座下後, 先點茶及清洗餐具.
便馬上剔點心了.

現在未夠1點, 仍是午市時段!
先點住部份, 待下午茶再點下半場吧! 

先上來的是翡翠叉燒腸
1碟6件, 叉燒醃料不算太勁,
唔會搶曬腸粉皮原本清淡的味道.
豉油份量亦剛剛好, 不會令腸粉過鹹,
真係要視乎職員是否落重手! 

松露蘑菇包
網上都推薦這款包包, 所以想試下.
又真係扮得很似菇菇. 仲有菇頂的裂縫呀.
中間黑松露很香.

香滑流沙包
這是我喜款的包包之一.
中間流出來的蛋黃醬, 熱辣辣, 又香又甜,
自從在陶陶居首次嚐過後, 才知這種包好好味!
唔係用吉士醬, 而是甜甜的流沙蛋黃呀!
起碼食得到是蛋黃呀!
所以飲茶必點這包包.

小嬌白玉棉花雞
雖然不知棉花是魚肚定豬皮,
但真係全吸收了雞汁的精華, 仲有冬菇的香味呀!! 

大良炸鮮奶
以為是奶酪沾粉漿再炸.
原來是以麵包卷起來炸, 
金黃色的表面脆卜卜, 不油膩,
中間的奶酪少少甜, 不太溜,
真係想再追加多一碟.

芙蓉帶子珊瑚餃(大點)
名字很好聽, 又想不住手點了.

古法馬拉糕(中點)
大路款式, 一定要點.

紅棗糕 HKD8.8
8.8元真係好抵, 點都要試試.
3件的千層紅棗糕係有點點紅棗味,
如果紅棗味再濃D就更好了.

鮮蝦什果脆雲吞 HKD 19
3件很正常炸雲吞, 上面放上什果沙律.
雲吞中間有一粒的蝦肉.

鮮蝦炸雲吞 (下午茶) HKD 10
又係3件很正常的炸雲吞, 配上甜酸汁.
但這份真係好抵. 
2碟炸雲吞制法是一模一樣,
剛才鮮蝦什果脆雲吞是HKD19,
而這份只是HKD10, 等於半價了.
下次飲茶, 一定要等到下午茶時段才點這個炸雲吞.

下午茶孖寶 :

滋味艇仔粥＋香煎芋頭糕

明火燒鵝皇粉線 HKD 20
見到咁抵, 又剔左一碗了.

5位埋單只需3百几蚊.
平均每人六十几蚊.
又可以坐得舒舒服服唔洗迫.
發現旺角飲茶好去處了.

============================================

感謝 問米婆 提供以上資料

問米婆 的網誌: http://www.openrice.com/zh/gourmet/reviews.htm?userid=50320141&city=hongkong

============================================