今日(26-12-2015 Sat0晏晝買完餸回家途中至記起自己要食lunch,買麵包吧,行o黎大班睇,都幾多選擇,最後揀o左呢個$16.50o既腰果蜜餞果子包.
![腰果蜜餞果子包 - 沙田的大班麵包西餅)]( "腰果蜜餞果子包 腰果蜜餞果子包")
返到屋企就食喇,開頭食,唔見有餡,似食白麵包加芝麻腰果,
![冇料o既腰果蜜餞果子包 - 沙田的大班麵包西餅)]( "冇料o既腰果蜜餞果子包 冇料o既腰果蜜餞果子包")
食到幾深吓,見到包有啲啲黃色汁,
![有啲汁o既腰果蜜餞果子包 - 沙田的大班麵包西餅)]( "有啲汁o既腰果蜜餞果子包 有啲汁o既腰果蜜餞果子包")
之後開始見到啲果子,有提子,紅莓,
![開始有果子o既腰果蜜餞果子包 - 沙田的大班麵包西餅)]( "開始有果子o既腰果蜜餞果子包 開始有果子o既腰果蜜餞果子包")
原來佢話重有木瓜,菠蘿同甜菜.木瓜我估係就橙橙地色,切成立方體o個啲,
![開始多果子o既腰果蜜餞果子包 - 沙田的大班麵包西餅)]( "開始多果子o既腰果蜜餞果子包 開始多果子o既腰果蜜餞果子包")
菠蘿同甜菜唔係好食得出,o衣o家睇返相,見到黃色o既立方體,應該係o個啲喇.
果子集中o係包o既中間至尾段,係幾多o既.
![好多果子o既腰果蜜餞果子包 - 沙田的大班麵包西餅)]( "好多果子o既腰果蜜餞果子包 好多果子o既腰果蜜餞果子包")
成個包都唔算太甜,腰果唔算好脆,但整體感覺良好o既.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
