小朋友開開心心去打針@全港首間Hello Kitty健康中心

小朋友總是天生對打針感到抗拒畏懼, 

經驗話我知, 無論該診所嘅姑娘和醫生有多友善, 

小朋友始終會怕打針。。。

以我家的余小b為例, 當佢每次入到診所, 

就好像有預感是來打針的, 未登記已經爆喊! 

要完成打針任務的確是個大難題~

不過, 以下介紹的Hello Kitty健康中心, 

對父母而言, 相信是個天大的喜訊啊~

余媽媽早前應邀出席了

全港首間Hello Kitty健康中心的開幕典禮~

大家冇睇錯! 呢間係以Hello Kitty做主題的健康中心, 

提供兒童及成人疫苗注射接種服務、

過敏測試、健康檢查、基因測試服務和舉辦健康講座等~

中心鄰近港鐵尖東站P出口的永安廣場, 地點非常便利~

於開幕禮當日, 負責人聯同藝人陳嘉桓、Hello Kitty

及兩位穿醫生袍和護士袍嘅小童星一同主持剪綵儀式~

我們其後參觀了這間面積達1200尺的診所, 

如果唔講, 余媽媽真係以為自己置身Hello Kitty樂園~

因為呢度由裝修、佈置甚至卡片、覆診卡和病假紙等, 

都有Hello Kitty嘜頭, 十分可愛。。。

當然仲有身穿Kitty制服嘅姑娘姐姐啦～

相信小朋友入到嚟一定會好開心, 

就連大人見到都會尖叫!

等睇醫生/打針期間, Kitty迷可以係度大影特影! 

唔知會唔會有Kitty迷專登來朝聖呢？

呢度設有5間診療室, 設備全部都係以Hello Kitty為主題, 

小朋友唔洗再怕見到冷冰冰白雪雪嘅診療室而感畏懼了！

呢度仲特別設有Hello Kitty許願閣, 

訪客可以寫下願望並掛於許願牆上祈福,

亦可以此答謝醫療團隊的幫助~

小朋友自出世開始, 頭幾年都需要接種各種預防疫苗, 

如果大家同余媽媽一樣都遇到打針嘅難題, 

相信呢間新開嘅Hello Kitty健康中心

會係一個不錯嘅選擇~

有關疫苗計劃詳情, 

可以到以下網址查詢~

http://hellokittyhealthcentre.com/vaccine-plan.html

Hello Kitty健康中心網址:

http://hellokittyhealthcentre.com/

Hello Kitty健康Facebook專頁:

https://www.facebook.com/hellokittyhealthcentre/

中心地址: 

尖沙咀東麼地道62號永安廣場1樓108室

查詢電話: 3974 6698

電郵：enquiry@hellokittyhealthcentre.com

 以下是余媽媽と余小bのFacebook~

入面的資訊包羅萬有~

入來LIKE我地吖!