今年好好彩抽到屋苑搞的一日遊，一個家庭最多四張飛，就同家姐姐夫一齊行，二個女又唔得閒，今日好開心雖然只係好普通地方而且都行過，但可能心情唔同好耐無release啦，以前同學屋苑搞就一定會參加，更幾年發生太多事都無時間去淋，今年家姐見到就叫我入紙去抽下，睇下有冇得去點知好好彩又有份
好啦講下今日九點開車，第一站官塘海濱，之前同老公都只係在碼頭附近行，原來可以行得好遠而且中間還有個環保公廁都幾靚同乾淨，又有好多健康設備，領隊還說這裡早，午同晚都唔同景，好多情侶晚上會來行行睇日落，第二站就去文物探知館，第三站就喺漫畫長廊有好多漫畫人像跟住就去龍寶食自助餐，最後入元朗恆香睇人整餅同試茶，買咗老婆餅，蛋卷同鳳凰卷…就回程，雖然抽唔到獎，但回到屋苑一人有一份禮物真超直，雖然只係簡單一包烏冬，幾礶礶頭，今晚又唔洗煮同老公午餐食得飽飽，二個女又唔返來食，開開心心輕輕鬆鬆又一日
官塘海濱長廊望到對面遊輛碼頭
行到中間就會見到金色圓桶型
原來喺一間環保廁所都好清潔
長廊環境優美還有坐椅，可以隨時坐低休息一下
還有好多康樂設施，唔只適合小朋友連我都引唔住上去玩下
還有可轉的咖啡杯，遠遠有四個上了年紀的太太也上咗四人坐的搖搖椅
第二站就去尖沙咀文物探知館，聽導遊講二層白色的建築物是以前英軍的辦公大樓，環境優美
第三站去漫畫長廊，有好多以前的漫畫書人物
大家最熟識的老夫子
剛喺附近有錦鯉展，個個好有興趣去睇，導遊話有時間可以睇下，但一叫就要立即走
我覺得哩條金色好靚
銀色都唔差
哩條全場冠軍
午餐就喺龍寶國際
食物雖然普通，但都好味
今次都有三百多人
我習慣先飲湯
冷盤有蝦同魷魚
熱盤有椰菜牛肉，洋蔥雞柳，粟米
還有魚柳，排骨同炒飯
甜品就芒果布甸，牛奶布甸同啫喱
還有幾款蛋糕
食飽去最後一站，恆香餅家
參觀工作人員整餅
蛋卷就自動機出，包裝工人就入盒
參觀完每人一只細小的老婆餅試食
食完餅又可試下三合茶有清肺潤肝同寧神安睡
我都買咗老婆餅，女兒最愛蛋卷同鳳凰卷，細妹最愛米餅，家姐就買咗好多好多同茶也分咗一包比我
============================================
感謝 Angel 提供以上資料
Angel的網誌: http://angelma0421.blogspot.hk/
============================================
馬卡龍
