好運印尼餐廳係米芝蓮推介餐廳,咁耐只係得一個差評,就等foodki同同事一齊試下,因為今次係成十個人一齊食,所以叫左幾多野食

menu

好運印尼餐廳@觀塘
加多加多(7.5/10)($45)
係印尼隨處可見既印尼菜,亦可稱為gado gado 或者Lotek。Foodki會稱呢道菜係印尼沙律。材料有豆腐卜,烚蛋同蝦片等等,淋上自家製既花生膏,作為前菜真係好開胃,花生膏沾上蝦片真係好正。foodki有個同事係印港混血兒,佢都話呢道菜夠正宗。

好運印尼餐廳@觀塘
印尼春卷(6/10)($45)
呢個有啲似小學食既咖哩角,不過春卷樣,都係唔錯既小食。

好運印尼餐廳@觀塘
印尼黃錦飯(8/10)($55)
即係雜錦黃薑飯,乜野都有啲,岩曬貪心既香港人食,佢有巴東牛肉,印尼炸雞,蛋,花生,芽菜,青瓜同肉鬆(?)。味道非常好食,首先講講黃薑飯,一食入口有好香既薑味,炒到粒粒分明,配上花生同埋其他配料送飯真係一流。再要講下巴東牛肉真係好腍好入味,少少辣,好開胃好好食,而炸雞就覺得有啲乾身,有啲失望。整體黎講,呢碟飯真係推介,因為乜都可以試下,食左半間好運既野食,哈哈。

好運印尼餐廳@觀塘
印尼炒麵(7/10)($55)
炒麵加上菜同肉,好有鑊氣,菜炒到好香,好味!

好運印尼餐廳@觀塘
沙嗲雞肉串(7.5/10)($110/1打)
沙嗲雞肉串真心好味,燒到微微燶,我最鐘意食少少黑果啲部位,唔知有冇同好,因為真係好脆同特別香,而雞肉都好鮮嫩。雞肉配上濃花生味的沙嗲醬,呢隻醬真係要讚下,好多花生碎既醬淋上串燒真係好香好好食

好運印尼餐廳@觀塘
咖哩雞湯麵(6/10)($48)
個湯唔辣,但有好香咖哩味,雞鮮嫩無比,真係好味

好運印尼餐廳@觀塘
喇沙(5.5/10)($48)
呢個係我地唔鐘意既湯麵,見唔到有蝦同豆卜等等,有啲古怪,可能唔係傳統印尼菜掛。

好運印尼餐廳@觀塘
沙嗲牛肉串(7.5/10)($110/1打)
牛肉串一樣咁好味,肉就比較實,但牛味超豐富,口感依然一流,燒得岩岩好。配上超香花生醬味既沙嗲汁真係好正。

好運印尼餐廳@觀塘
印尼燒雞(7/10)($70)
其實又係沙嗲汁加上燒雞,係我地香港比較少見既燒雞,因為香港燒雞多數都係比較乾,唔會淋汁。但印尼菜就唔同,沙嗲汁淋上燒雞估唔到都幾好食,好運既雞都好嫩,不過我地都食得太多雞同沙嗲汁,食到無乜感覺哈哈

============================================

感謝 kelvinfoodki 提供以上資料

kelvinfoodki 的網誌: http://www.openrice.com/zh/gourmet/reviews.htm?userid=58271625&city=hongkong

============================================