![]()
在深水埗食完泰菜後，意猶未盡梗係要食個飯後甜品。每次去食晚餐前，小妹都會預先揀好某間甜品店，就好似今晚就揀左呢間可以叫隱世但又唔隱得晒既糖水店。位置係深水埗一間賣涼茶的中醫店內，小妹都係經由網上先知入面有糖水食，仲要係台式糖水，足料又抵食咁話!
(喜歡的，請按讚支持，是給我很大的鼓勵啊 ![]()
)
![]()
![]()
其實位置有點偏，位於醫局街某間不太起眼的涼茶鋪 (仲要咁岩最新有人搭棚)，就係佢喇康瑞涼茶! 七點多去到，只有我們一檯客，本身室內都只有約三、四檯座位，後黎直情坐滿，要老闆娘係出面開埋檯，認真厲害!
(店主話平時開2，3點鐘架，所以唔好太早去撲空啊)
糖水款式一本相簿睇晒，即叫即整，包括有特色仙草百配、雪耳湯底小丸子、紅豆沙配小丸子、椰奶紅豆沙、椰汁西米露、酒釀桂花湯丸、薑汁湯丸、蓮子腐竹蛋、海帶綠豆沙等，仲有糖不甩、手工咸肉棕和什果啫哩。而且價錢實在太佛心了，都係約廿蚊碗，超抵食的說!
特色仙草百配(凍) $20
裡面有兩種芋圓、仙草、薏米、紅豆、西米、珍珠，椰汁底。芋圓煮得軟硬適中，食落有咬口；紅豆煮得夠綿，仲有食落涼浸浸既仙草，口感豐富得黎最重要係好食!
![]()
![]()
整體黎講又平、足料又好食! 雖然好誇張，但小妹真係食到停唔到口，小妹好少會一路食一路點頭架。而且賣廿蚊咋，真係好抵食!
酒釀桂花湯丸 $25
這桂花湯丸同樣係即點即製的，所以等候時間會耐一點，同一時間聽到裡頭也傳出打蛋聲!! 這一碗入面有八粒芝麻湯丸，而且裡頭滿滿的桂花，超足料的說! 就係酒的味道較薄弱，桂花味道比較重。
.
.
康瑞涼茶
深水埗醫局街179A地鋪
============================================
感謝 糖小妹 提供以上資料
糖小妹的網誌: http://concon2016.blogspot.hk/
============================================
