2月7日(年廿九)
每年過完我生日就好快到農曆新年 , 今年都唔例外 , 話咁快今日已經係年廿九 , 响度同大家拜個早年 , 祝大家猴年行好運 , 身體健康 , 工作順利 , 心想事成 , 恭喜恭喜~!!
大家一定好期待我嘅賀年 look , 媽媽百忙中抽時間同我影呢輯相 , 希望大家睇得開心呢~!!
我呢個賀年碌好唔好睇呢 ?
![]()
咕碌响度祝大家笑口常開 , 出入平安
![]()
企到咁高 , 緊係祝大家步步高陞 , 財源廣進
![]()
今年媽媽買到幾盤心水嘅賀年花 , 等我同大家介紹一吓
有靚靚嘅蝴蝶蘭
![]()
仲有香水百合同靚靚嘅紫色襯花
![]()
當然唔少得呢盤水仙花 , 應該趕得及年初一開花呢~!!
![]()
仲有呢盤珊瑚蘭
![]()
仲有洋水仙 , 今日開咗2朵花喇 , 開心呢~!!!!!!!!
![]()
至於賀年食品 , 每年都有嫲嫲親手整嘅蘿白糕 , 今年仲多咗椰汁糕 , 仲有好友殷師奶媽媽整嘅豆沙角 , 咕碌家今年真係好有口福 , 謝謝大家嘅厚愛 , 恭喜發財~!!!!!!!!! ^0^
============================================
感謝 圓咕碌 提供以上資料
圓咕碌的網誌: http://yuenkolok.blogspot.hk/
============================================
