觀塘漸成為CAFE 龍爭虎鬥之地，而I'S LAND CAFE 點解可以脫穎而出呢？
原因，就係食物質素，環境俱佳，而且地點尚算方便，係駱駝漆大廈1座，好多OUTLET既地方。

有一間房仔可以做到好似party room咁，如果多人試下book 位，係房入面圍威喂。



以森林風格作主題，空間闊落，木製枱加木椅，環境真係一流，非常舒服。如果日頭黎仲會有陽光，讚。foodki黎時候，仲見到有幾位妹妹係旁邊傾project，

晚市menu，foodki同朋友叫左香煎日本A5和牛扒 同埋 香煎鯛魚柳拼澳洲赤蝦。以呢個價錢，包埋前菜，湯，真係無得輸，唔怪得客似雲來。最後仲叫左個抹茶cake

前菜簡單一個包加磨菇湯。磨菇湯用料好足，超多磨菇，非常好飲。

玫瑰latte- 拉花真係拉得非常靚，咖啡味好重，玫瑰味相對較為淺薄。
一杯咖啡係cafe既命脈，呢杯咖啡，有質素。

I's Land Cafe @觀塘
香煎日本A5和牛扒(7.5/10)($238)
等左一陣，主菜終於黎啦，估唔到一間cafe 會有日本A5和牛扒食。和牛肉味固然香濃，但因為係A5 既關係，脂肪比例固然較高，如果食A5唔肥就大件事啦，可惜脂肪分布唔夠平址，集中係另外一邊，但包野飲，湯，麵包，以呢個價錢食到，真係無得輸。煎到嫩紅色既和牛非常吸引，入口即溶，肉質鮮嫩多汁。和牛底下既薯蓉，薯味好重，好食。加埋蔬菜，整個份量岩岩好。

嫩紅色既和牛實在吸引

I's Land Cafe @觀塘
香煎鯛魚柳拼澳洲赤蝦(6.5/10)($188)
三個字，大份夾抵食，兩隻大蝦加上魚柳，仲有薯蓉，加埋蔬菜。澳洲赤蝦大大隻肉質比較結實，蝦味夠。而魚柳同樣肉質較為結實，兩者加埋薯蓉同埋蔬菜真係好飽，好抵食。前面都講過，薯蓉非常真係好食。

最後食完整個主菜，仲想食多份甜品，發現佢地有幾好款，包括大熱既紫薯，最後因為太夜既關係，得番today special's 既抹茶芝士蛋糕

I's Land Cafe @觀塘
抹茶芝士蛋糕(7/10)($42)
入口即溶，質感超軟滑，餅底薄薄地，好香，芝士味好香濃，抹茶味如果再重啲就更加好食。蛋糕後面既抹茶粉好香，如果整個蛋糕都審滿呢隻抹茶粉，我一定好開心啦，因為FOODKI好鍾意呢隻抹茶粉呢。
地址：觀塘開源道62號駱駝漆大廈1座6樓A舖
營業時間：星期一至日: 11:30-23:00

食完整餐foodki覺得好滿意，同朋友傾左好多心事呢。
環境無得頂，下午黎時候仲有陽光，每張餐桌隔得夠開，，坐得非常舒服，不論黎食晚飯，定傾計，都非常推薦。
題外話 / 補充資料
店家誠意十足，店內既toilet 係用日本果隻馬桶，真係有得洗patpat 果隻，foodki係香港只有係少數高級餐廳先見到，今次係i's land cafe 一間工廠大廈入面果到，真係感覺得到老闆既誠意。

============================================

感謝 kelvinfoodki 提供以上資料

kelvinfoodki 的網誌: http://www.openrice.com/zh/gourmet/reviews.htm?userid=58271625&city=hongkong

============================================