攻略日期：2013-10-13
是次消費：每人平均約HK$ 100.00
呢幾日時常想去釣魚，Ｃａｌｌ了我表弟問他去唔去釣魚，但他唔得閒，又見週日下午水流唔錯，於是單拖都走去釣番幾粒鐘，去到開竿已兩點半，攪攪吓成三點先釣第一口餌，一投浮波落去，唔洗十秒個浮波即沉，一抽竿，中了條大哨牙妹，由於我想釣鱲魚，用的鈎偏大，但就偏偏成海哨牙妹，次次都同我化晒啲魚餌，我又衰硬頸唔轉細鈎，攪到成四點半先中條火點仔，釣到日落五點幾，諗住都係冇乜料到，連條魚絲勾石Ｈｉ花咗都唔換就釣下去，點知就係咁橋浮波一沉，一抽竿中條大野，玩到上水面見到是條大鱲魚，立即轉身攞撈基，就係一拎轉身，條魚絲突然斷了，我的天呀，全日唯一希望都冇埋，真係早唔中魚遲唔中魚，就係等我冇換魚絲就來料，所以話平時唔做好啲準備，機會一去不復返！
