雖然過年嘅時候，食咗好多蘿蔔糕、年糕、芋頭糕，好熱氣。但係始終成日心掛掛D韓國炸雞，特別係星期五，食住炸雞同友人啤啤佢，最佳活動。今日同我好朋友farewell，因為佢就嚟去澳洲做嘢啦，所以一定要係佢臨走之前食餐痛快加暢談一番。兩個女仔叫兩樣都食唔曬，因為呢度既份量好均真。

  今次冇叫到鋪頭signature傳統乾身既炸雞，反而試左d新products，有醬汁既炸雞。

黑椒炸雞＄168

炸雞都會跟碟酸蘿蔔俾客人清新下味蕾，消消肉膩感。

 個炸雞炸到好香脆，汁既稀稠度剛好，掛在雞上，而且一d都唔肥膩，又唔會因為有汁而稔左。個汁好似有d甜豉油包住晒，開頭食落去都唔覺得辣at all，點知食食吓先發現黑椒嘅香味慢慢出，但都唔會話辣，始終韓國食品都甜，加埋一大堆芝士粉，特別香架。

韓國粉絲雞蛋捲＄148

韓國蛋捲其實材料同kimbap差唔多，入面包咗D餐肉火腿、紅蘿蔔、青瓜等，粉絲，食落所有口感都集合於一身。而雞蛋皮好厚好似玉子咁，滑又香。

HiteRita $88
韓國其實好興d飲品咁樣上，唔知點解，不過幾型。我飲個杯係hite rita，西柚味為定，飲落唔覺有啤酒味，酸酸甘甘既，幾好！

============================================

感謝 lucywu 提供以上資料

lucywu 的網誌: http://www.openrice.com/zh/gourmet/reviews.htm?userid=162319&city=hongkong

============================================