探險家攻略 > 城中探秘 / 旅遊 > 特色景點 / 古蹟 / 其他 / 長線旅遊 > 高雄。旗後炮台﹑星空隧道﹑六合夜市

高雄。旗後炮台﹑星空隧道﹑六合夜市

由平凡人於 2016-02-27 07:18:03 發表 | 累積瀏覽 482

分類：長線旅遊特色景點古蹟其他；地區：高雄

< 台南﹑阿里山﹑高雄5天遊 >

第五天（續）

高雄位於海邊，係市中心之外有一個長長既小島旗津；旗津係一個踩單車既好地方，可以沿海邊慢慢踩，有隧道亦都有船連接，交通好方便，不過今次係即興去又唔夠時間唔可以踩單車啦，唯有用腳漫遊旗津


鼓山碼頭坐船去旗津好方便，船費NT$25

除左普通乘客，單車電單車都一樣可以上船；我地就坐上層，車就係下層



船尾位置一早比人坐晒，我入去涼下冷氣仲好



幾分鐘就到



見到頭先山上既領事官邸

話咁快就係旗津


由碼頭行出黎感覺唔似係高雄，好似去到小城鎮，冇晒高樓大廈



沿路行去另一邊海邊睇睇；今日係靠google map帶路，我都唔係太知旗津有咩睇，去到邊就睇到邊



好多鴨仔！

成條路有好多海鮮餐廳，鐘意食海鮮既人一定喜歡呢道，而且海鮮價錢比香港平好多，仲有好多選擇tim

NT$100就有交易

海邊有好多小攤檔



旗津有個又大又長既沙灘「旗津海水浴場」，呢道啲沙係灰黑色，唔係香港常見既黃色



椰林樹影，好似去左熱帶地方

見到有室內地方，即刻入去避避個太陽；沙灘旁邊有「旗后觀光市場」

市場入面長長一條街都係賣海產零食，咁岩有幾車旅行團係道買緊野，人頭湧湧



超多海鮮特產



行到街尾少好多人啦



行到街尾再入返去；一場黎到我都係道買手信返香港先，啲野都算平靚正


買左好多野走
離開市場再向北行，見到一啲歷史遺跡



去到「星空隧道」

星空隧道入面有啲夜光星星，聽聞係會發光，不過今日頭尾可能太光，入面都見唔到星星發光...

出左隧道就係大海啦



如果由呢道坐船向前直行就可以返到香港，香港就隱藏係海平面之下，當然兩地相差幾百公里就算中間冇野阻住都唔會望到

有路可以踩單車架



鴨仔第一次正式出鏡
呢隻鴨仔係香港搵左好耐都搵唔到，估唔到台灣朋友偷偷地送比我！好感動！！鴨仔好受歡迎架，一出黎就吸引到眾人目光，旁邊有四位台灣人問我借鴨仔影相，哈哈^^呢道好大風幾驚鴨仔吹左落海



對岸就係大陸地方，以前設有堡壘防守高雄



行返出去見到有條樓梯，行上去睇睇先



見到成個沙灘

行上少少就係「旗後炮台」

炮台係清朝時已經起好，當時由英國工程師設計，係西式砲台但又有中式八字門



其實...咁熱都行上黎係為左睇風景架，景觀超好



如果天氣好會靚好多

太陽咁曬好熱架，睇完景快啲走人


落山去返碼頭；另一邊仲有燈塔可以去，不過冇時間就冇得去啦



鴨仔！

唔知點解好似去左日本咁？

大街上有好多大排檔，時間緊迫想食都冇得食



難得黎到台灣就試試正宗珍珠奶茶，同香港飲到既差唔多



由旗津坐船返鼓山；原本諗住只係過黎旗津行大約一個鐘，最後只係行左小小地方都用左兩個半鐘，旗津有好多野行架



落左船行10分鐘返到去地鐵站



西子灣站旁邊有鐵道故事館，可惜星期一休息冇開門



西子灣站設計咁似新加坡個啲地鐵站？

NT$100咋

返到市區啦



入去百貨公司行下順便睇下有咩食

呢道都有周氏蝦捲！唔洗去台南都有得食！

見呢間拉麵店有小小日本feel就食佢啦


拉麵好奇怪，冇日本既咁好食

樓下超多電單車

商場樓上就係誠品，一定要上去朝聖

今次冇時間慢慢行，只係上黎朝一朝聖就要走，有機會再黎


係商場行下買下手信，出到來已經天黑



坐地鐵返到美麗島站

去到出名價錢平既光南大批發，入面啲野真係比其他地方賣得平，而且貨品種類有好多

又返到黎六合夜市，大約7點超多人丫



去酒店拎返個大背囊就要去機場啦

啲野多到一大一細背囊都裝唔晒，要拎住個膠袋走


知道班機delay左，又去返夜市慢慢行多個圈



最後買左包雞粒食住走，辣辣地好香口

坐地鐵好快就去到機埸；返香港呢班機係全機埸最後一班，機埸四圍都好靜



大部份商店已經關門，冇野行就早啲入去lu

啲人咁早就入晒黎

部機都未到，繼續四圍行；高雄機場入面好靚，好多卡通擺設



有好多史迪仔



估唔到今晚係坐國泰機，不過佢突然轉機型等我揀錯位，咁好彩比我揀著個冇窗既「窗口位」，想睇下風景都唔得...

晚餐就係呢袋啦，呢個又香又好食


5日台灣小旅行結束，返到香港啦

個幾鐘就由台灣返到香港，短短5日感覺好似去左好多好多地方，而且由今個旅程開始我就好鐘意台灣，我相信好快就會再去架；早排打呢篇遊記時又聽到台灣地震消息，感覺特別傷心，希望台灣以後都可以平平安安

< 台南﹑阿里山﹑高雄5天遊 >

< 完 >